Program eo Ekãl kin Circuit Assembly eo

Ilo “ien [kein] renana,” jej aikwiji meletlet eo jen Anij ñan bõk im debij buñburu eo an Jehovah. (2 Tim. 3:1) Program in circuit assembly eo ñan 2005 enaj letok ñan kij kakabilek ko im nan in rejañ ko rekeie ke ej ejaake unin tel eo “Kwon Kõtlok bwe ‘Meletlet Jen Lañ’ En Tel Yuk.”​—Jem. 3:17.

Symposium eo mokta, “Kwalok ‘Meletlet eo Jen Lañ’ ilo Mour eo Ad,” enaj jibañ kij ñan melele ta eo ad erreo, ainemõn, joij, im bidodo ad rel im bokake ej kitibuji. Inem circuit overseer eo enaj kamelele kin jilu wãwen ko jet kin meletlet eo jen Anij. District overseer eo enaj kajemlok ran eo kein kajuõn ilo an kwalok kin ewi wãwen Christian ri karejar ro, meñe jet rej watõk ir einwõt “dri jab katak im dri jab meletlet,” ak rebojak ñan konono kin meletlet eo an Anij.​—Jerbal 4:13.

Ilo ran eo kein karuo, juõn symposium etan “Jibadõk Men ko Me Rej Kõketak Yuk” enaj jibañ kij ñan kile im bõprae men ko me remaroñ kabwer kij ilo jitõb. Enaj bareinwõt kwalok ñan kij kin ewi wãwen jemaroñ kõketak ro jet ilo kwelok ko an congregation eo, ilo jerbal in kwalok nan, im ilo dolul in family eo. Public talk eo, “Ewi Wãwen Jej Bõk Tokjen Jen Meletlet eo Jen Anij,” enaj kamũlallok kamolol eo ad kin tokjen ko jej bõki ke jej jerbale kakabilek ko jen Anij ilo mour ko ad. Katak eo eliktata, “Bokake Meletlet eo Ekwojarjar Ej Kejbãrok Kij,” enaj kakajurlok bebe eo ad ñan reilok ñan Jehovah ñan bõk meletlet ilo ran kein eliktata.

Men eo elaptata ilo kajjojo assembly ej baptais eo an ri kalor ro rekãl. Theocratic Ministry School eo im Katak in Imõniaroñroñ eo ñan week eo renaj bareinwõt walok ilo program eo. Jehovah ekõnan bwe kij aolep jen bõk tokjen jen meletlet eo ej letoke. Nan in kakabilek im nan in rejañ ko rej kõttar kij ilo circuit assembly eo ad renaj kakajur kij ilo jitõb.​—Ken. 3:13-18.