Kõketak Don ilo Am Uak ilo Kwelok ko
1 Rej kakabilek kij ilo Hebrew 10:24 ñan ‘kõkãtok dron ñõn yokwe im jerbal ko remõn.’ Men in ej kobaik kõketak don ilo ad kõmman uak ko ewõr melele ie ilo kwelok ko an congregation eo. Etke jej aikwij uak? Ewi wãwen jemaroñ kõmman men in? Wõn ro renaj bõk tokjen jen e?
2 Lemnak kin aolep ien ko kwar bõk tokjen jen am roñjake nan ko ralikar im lamwan an ro jet me rar kalaplok am melele im kakajurlok yuk ilo jitõb. Ewõr jerammõn eo ibbam ñan kõmman ejja men eo wõt ñan ir. Ñe kwoj bõk kunam, kwoj kalikar kõnan eo am ñan “lewoj ñõn kom jabrewõt men in yokwe an Jitõb” ñan rejañ eo an aolep ro rej bed ilo kwelok eo.—Rom. 1:11, 12.
3 Wãwen eo ñan Kõmman Uak ko Remõn: Jab kõmman uak ko reaetok, im kwalok aolep lemnak ko ilo paragraph eo. Uak ko reaetok rej likjap in kalikar uak eo ejejjet im rej kabwer ro jet jen air bõk kunair. Uak eo moktata ilo paragraph en jejjet im kadu im kajju an uak kajitõk eo. Ro rej lelok uak ko jet remaroñ kwalok kin ewi wãwen jemaroñ jerbale katak eo ak wãwen eo eon ko rej jerbal. Lale School Guidebook, peij 90-2.
4 Elañe lemnak eo ñan uak ej kõmman am inebata, keboj juõn uak ekadu lok iman, im kajitõk ibben armij eo ej tel ñan kir yuk ñan uak paragraph eo. Elikin am kõmman men in ilo jet wõt kwelok ko, bõk kunam in uak enaj bidodolok. Kememej bwe Moses im Jeremiah rar kwalok air jab liki maroñ ko air make ñan konono ilobwilij. (Ex. 4:10; Jer. 1:6, ftn.) Ak Jehovah ear jibañ ir ñan konono ilo etan, im enaj jibañ yuk bareinwõt.
5 Wõn Ro Renaj Bõk Tokjen Jen Uak ko Am? Kwe make kwoj bõk tokjen kinke uak ko am rej kalikarlok mol eo ilo lemnak eo am im buruõm, im kõmman bwe en bidodolok am kememeji tokelik. Bareinwõt, ro jet rej bõk tokjen jen air roñjake nan ko am rekõketak. Kij aolep jej bõk kõketak ñe aolep, meñe ro ewõr air iminene, ro redik, ro rejookok, ak ro rekãl, rej kate ir ñan kwalok tõmak eo air ilo kwelok ko an congregation eo.
6 Emol jenaj lo bwe ‘nan ilo ien ekar, e nañin emõn wõt’ ñe rej kajerbali ñan kõketak don ilo kwelok ko!—Jabõn Kennan 15:23.