Kebojak Lok Iman Ej Bõktok Lañliñ
1 Bõk kunam ilo jerbal in kwalok nan ej bõktok elap lañliñ. (Sam 89:15, 16) Emol, kebojak ej key eo ñan am maroñ lo lañliñ. Ñe emõnlok ad kebojak, enaj laplok an wõr tõbrak, im ñe elap an wõr tõbrak, enaj laplok ad lañliñ.
2 Kajerbal Kein Jerbal ko Rej Litoki: Jino am kebojak ilo am read im etale katak eo ilo Ad Jerbal Ñan Ailiñ Eo. Ekkã an wõr ennan ko remõn me kar eiki ñan jibañ yuk ñan kwalok ennan eo kin Ailiñ eo ilo juõn wãwen elamwan im bolemen. Kwonaj lo wanjoñok ko kin ewi wãwen kwomaroñ uak nan in jumae ko ekkã an armij bõkmantak. Rej letok nan in rejañ ko rejejjet kin ewi wãwen kwomaroñ kõmman bar jeblak ko rebolemen, ibben mejenkajjik eo ñan jino juõn Bible study. Kwomaroñ ukõt nan in rejañ kein ñan wãwen eo emelak ñan am kajerbali. Ekoba ibben men in, ewõr ibbam book in Kõmmanwa, eo ej letok elõñ nan in jino ko im bareinwõt uak ko ñan nan in jumae ko, im ilo wãwen in jibañ yuk bwe kwon bojak kin jabdewõt wãwen ko kwoj iioni.
3 Etale book eo kwonaj leloke, im kãlet juõn ak ruo point ko rekaitoklimo me kwomaroñ kwaloki ñan ri mweo. Juõn bwebwenato eo ej kamakit lemnak me kwar roñjake ak readi emaroñ kabellok juõn ial ñan jino juõn bwebwenato. Lemnak lok iman kin nan in jumae ko ekkã an armij bõkmantak me kwomaroñ iioni, im lemnak kin ewi wãwen kwomaroñ uaki. Inem bõk jidik ien ñan kamelmel ta eo kwonaj ba.
4 Bed ilo Aolep Service Meeting ko: Lukkun roñjake ilo Service Meeting eo ñe rej bwebwenato, elij, im kõmman demonstration kin nan in rejañ ko rej walok ilo Ad Jerbal Ñan Ailiñ Eo. Je note ko kin men ko kwoj lemnak kwomaroñ kajerbali ilo ennan eo am. Kememej jet wãwen ko ekkã am iioni ilo jerbal in kwalok nan eo am, im lemnak kin ewi wãwen emaroñ bolemen lok wãwen am kwalok nan. Konono kin men kein ibben ri kwalok ro jet mokta im elikin kwelok eo.
5 Kwomaroñ liki bwe elañe kwoj “pojõk ñõn jerbal remõn otemjej,” kwonaj bõk jinekjej kin lañliñ eo elaplok im kwonaj lo tõbrak ilo am jibañ ro jet ñan lo ial eo ñan mour.—2 Tim. 2:21.