Box In Kajitõk

◼ Ta book ko jen katak ibben ro rekãl mokta jen rej baptais?

Mokta jen an juõn armij maroñ wujleplok an mour ñan Jehovah im baptais, ej aikwij bõk jelãlokjen eo ejimwe. (Jon 17:3) Enaj bõk jelãlokjen eo ej aikwiji ilo an katak jimor jen brochure eo Ta Eo Anij Ekõnan Bwe Jen Kõmmõne? im book eo Kwo Maroñ Mour Indrio ilo Paradise ion Lõl. Ilo enañin aolep case ko renaj katak Jen Kõmmõne brochure eo. Bõtab, elañe ri katak eo ear jino katak jen book eo Mour Indrio, en katak Jen Kõmmõne brochure eo elikin an kajemlok book eo. Etke men in ej juõn men in aikwij?

Jen Kõmmõne brochure eo ej letok juõn kamelele ekadu kin irinekatak ko ilo Bible. Elañe ej katak kake mokta, ri katak eo enaj bõk melele ko jinoin kin men ko ej aikwij kõmmani ñan kabuñburuen Jehovah. Elañe ej katak kake elik, enaj jerbal einwõt juõn elij emõn kin ta eo ear katak kaki ilo book eo Mour Indrio. Jekdon ta book eo ear jino katak kake, rejañ ri katak eo ñan lale aolep eon ko im kalmenlokjen kaki. Jab meloklok in jitõñlok ñan pija ko, ke rej kein katakin ko rekeie.​—Lale January 15, 1997 Watchtower ilo kajin English, peij 16-17.

Ñe ededelok an ri katak Bible eo katak book kein ruo, enaj maroñ uak aolep kajitõk ko me elder ro renaj elij ibben ñan keboj e ñan an baptais. Elañe eindein, emaroñ jab juõn men in aikwij ñan katak ibben ilo bar juõn book, ak ri katakin eo en itoklimo wõt kin wõnmanlok eo an.​—Lale January 15, 1996 Watchtower ilo kajin English, peij 14, 17.