Box In Kajitõk

◼ Kwoj Bojak ke kin Men Ko Rej Walok ilo Jidimkij?

Ilo lal in kiõ, “ien im men in walok” ekkã air kõmman an wõr jidimkij ko rej aikwij kamadmõd in doctor, ekoba air jibed ir ñan bõk bõtõktõk. (Ekk. 9:11) Bwe jen bojak ñan ien rot kein, Jehovah emwij an letok jibañ ilo elõñ wãwen ko ikijen dolul eo an, ak ej kõtmene bwe jen kõmman ijo kunad. Ewõr juõn checklist (lajrak) ilal ñan jibañ yuk.

• Ien otemjej en wõr ibbam Advance Medical Directive/Release card eo ekãl.

• Kõmman bwe ro nejõm ren bõk ibbeir Identity Card eo ekãl.

• Elij September 1992 Ad Jerbal Ñan Ailiñ Eo peij eo iloa, im kamelmel kin ewi wãwen kwomaroñ konono ibben doctor ro im ri ekajet ro ikijen kilen kamadmõde ro nejõm.

• Elij katak ko ikijen blood fractions (men ko ewõr jidik mõttan in bõtõktõk) im men ko remaroñ bõk jikin bõtõktõk. (Rej rejañ ñan am elij: The Watchtower, October 1, 1994, peij 31; June 1, 1990, peij 30-1; March 1, 1989, peij 30-1; Awake!, December 8, 1994, peij 23-7; August 8, 1993, peij 22-5; November 22, 1991, peij 10; im Ad Jerbal Ñan Ailiñ Eo, September 1992 im November 1990 peij ko iloa. Likiti ilo juõn folder bwe en mõkaj am maroñ loi.)

• Bebe elañe kwomaroñ kõtlok air kajerbal machine ko me rej circulate (karolol) bõtõktõkõm ilikin enbwinõm ak elañe kwomaroñ bõk men ko ewõr jidik mõttan in bõtõktõk. (Elañe kwoj kanne juõn health-care durable power of attorney, ak proxy, form​—eo rej rejañ kake​—kwonaj lo bwe ewõr jikin ko ilo form eo ijo kwomaroñ kalikar jokãlet in kilen kamadmõd ko kwo kõnan.)

• Elañe emaroñ, mokta jen kwoj etal ñan hospital eo kejelãik elder ro bwe ren maroñ rejetak yuk im konono ibben Hospital Liaison Committee (HLC) elañe ewõr juõn aikwij. Elañe ej jelet juõn ajiri edik, kajitõk ibben elder ro bwe ren kejelãik HLC eo ilo mõkaj.

Lukkun Kalikar bwe Kwoj Abwin Bõk Bõtõktõk: Report ko rej kwalok bwe jet brother im sister ro rej kõttar mae ien eo eliktata ñan jiroñ doctor ro bwe rejjab kõnan bõk bõtõktõk. Men in ejjab jimwe am kõmmane ñan ri jerbal ro ilo hospital eo im ej likit yuk ilo kauwatata in air lewõj bõtõktõk. Elañe doctor ro rej jelã kin tõmak ko am im ewõr document ko emwij sign i me rej kwalok ilo alikar kin kõnan ko am, men in enaj jibañ ir ñan wõnmanlok ilo ejelok rumij im ekkã an lelok ñan ir jokãlet ko jet kin kamadmõd in doctor ko rejjab kajerbal bõtõktõk.

Kinke juõn jidimkij eo ej aikwiji kamadmõd in doctor emaroñ walok ilo jabdewõt ien, ekkã ilo ien eo ñe kwojjab kõtmene kake, bõk buñten nee ko kiõ ñan kejbãrok yuk im ro nejõm jen air lewõj bõtõktõk.​—Ken. 16:20; 22:3.