Kajeoñe Jehovah ilo Jab Kwalok Kalijeklok
1 Jehovah ej itoklimo kin armij. Ilo ejelok kalijeklok ej bõk jabdewõt armij eo ej kõmanmõn ankil an. (Jerbal 10:34, 35) Ke Jesus ear kwalok nan ñan armij, e bareinwõt ar jab kwalok kalijeklok. (Luk 20:21) Jej aikwij kajeoñe wanjoñok eo air, einwõt kar Paul, eo ear je: “Bwe juõn wõt Iroij ion otemjej, im Emweie ñõn ro otemjej rej kir ñõn E.”—Rom 10:12.
2 Keañ kin news eo emõn kin Ailiñ in Anij ñan jabdewõt ro jej iion ir ej bõktok nebar ñan Anij. Jej aikwij wõnmanlok im jaketo-jaketak ennan in eaibujuij ibben ro jet, jekdon ailiñ ta eo air, ewi utiejiir, ewi joñan air kar school, ak ewi joñan air mweie. (Rom 10:11-13) Melelen men in ej ñan kwalok nan ñan jabdewõt ro renaj roñjake—maan ro, kõrã ro, ro redik, im ro reritto. Jej aikwij kebak jabdewõt i moko ñan lelok ñan kajjojo ri mweo juõn ien emõn ñan air roñjake kin mol eo.
3 Kwalok Am Itoklimo ibben Jabdewõt Armij: Mejenkajjik eo ad ej ñan iion jabdewõt armij ro jemaroñ. Ilo air lemnak kin men in, jet ri kwalok ro rar lo tõbrak ilo air kwalok nan ñan armij ro ilo office ko an doctor ro, hospital ko, moko me rej kejbãrok ro ri nañinmij ie, welfare office ko, im rehabilitation center ko (einwõt ijo rej kõmman physical therapy ie). Bareinwõt, ri kwalok ro rar kwalok nan ñan ro rej bõk eddon imõn ilomij ko, supervisor ro im ri kakabilek ro ilo school ko, im ri ekajet ro. Ñe jej kebak ri utiej ro, ekkar bwe jen kwalok ad kamolol kin jerbal in jibañ ko rej lelok ñan bukwon eo. Kwon kwalok am kautiej, im kãlet katak ko rekkar ñan jerbal eo air im abañ ko rej walok ie.
4 Juõn ien juõn sister ear maroñ konono ibben juõn ri ekajet ilo office eo an. Elikin air kar bwebwenato, ri ekajet eo ear ba: “Kwoj jelã ke ta eo emõn ibba ikijen Ri Kennan ro? Ewõr kakabilek im kien ko remõn bedbediir ibbeir im rejjab ir jen i.” Juõn kwalok nan emõn kar leloke ñan ri utiej in.
5 Jejjab maroñ lo buruen armij ro. Bõtab, ilo ad konono ibben jabdewõt armij jej iion ir, jej kwalok tõmak eo ad kin maroñ eo an Anij ñan tel jerbal eo ad. Bareinwõt, men in ej lelok ñan armij ien eo emõn ñan roñjake im emmakit ñan ennan in kejatdikdik in. (1 Tim. 2:3, 4) Jen kortokjen ilo meletlet ien eo ad im kate kij ñan kajeoñe jab kalijeklok eo an Jehovah ilo ad jibadõk armij otemjej kin news eo emõn.—Rom. 2:11; Ep. 5:1, 2.