“Millennium eo Ekãl—Ta Ilju eo Am?”
1 Kajitõk in ej bed ilo lemnak ko an armij ibelakin lal. Meñe elap tõbrak ko an armij rar walok iumin elõñ buki yiõ ko, armij rej ebwer wõt kinke ej bedwõt abañ ko me re kar kaeñtan armij iumin elõñ thousand yiõ ko. (Job 14:1; Sam 90:10) Ia eo armij ro remaroñ lo kakije ie?
2 Ilo alliñ ko in October im November, enaj wõr ibbed juõn ien elap an emõn ñan lelok ñan ro ri turid uak eo ñan kajitõk en. Ewi wãwen? Ej ikijen ad leto-letak News kin Ailiñ eo No. 36. Unin tel eo ej “Millennium eo Ekãl—Ta Ilju eo Am? Ilo week ko jinoin ilo October, jenaj lelok magazine ko in Imõniaroñroñ im Awake! Inem jen Monday, October 16, ñan Friday, November 17, jenaj bõk kunad in leto-letak News kin Ailiñ eo No. 36. Ilo jerbal in leto-letak in, jenaj kareilok jibadbad ko ad ñan leto-letak News kin Ailiñ eo No. 36 ilo weekday ko (Monday ñan Friday). Ilo weekend ko (Saturday im Sunday), jenaj leloke ibben magazine ko rekãl.
3 Kwonaj Bõk Kunam ke ilo Joñan Am Maroñ? Elder ro, ministerial servant ro, im pioneer ro renaj tel ilo jerbal in leto-letak in, kin air bed iman in jerbal eo. Elõñ ri kwalok ro rar kõmman oktak ilo wãwen ko air bwe ren maroñ auxiliary pioneer ilo juõn ak alliñ ko ruo jimor ilo jerbal in leto-letak in. Ro jet rej karõk ñan kalaplok ien ko air ilo jerbal in kwalok nan.
4 Ri tel ro an Congregation Book Study ko remaroñ juõn men in jibañ ñan rejañ aolep ro uan kumi eo air ñan bõk kunair ilo joñan air maroñ in leto-letak News kin Ailiñ eo No. 36. Emaroñ wõr jet ri kwalok ro me rar oktak im jowan ilo jerbal in kwalok nan. Elder ro ren lolok rein ñan lale ta eo remaroñ kõmmane ñan jibañ ir. Bõlen remaroñ karõk bwe juõn ri kwalok eo ewõr an iminene en jerbal ibben kajjojo ian rein rejowan ilo jerbal in kwalok nan ilo alliñ kein. Ennan eo elamwan kin News kin Ailiñ eo No. 36 emaroñ men eo rej aikwij ñan kõmman bwe ren bar ri kwalok ro rekijejeto.
5 Enaj juõn ien emõn bareinwõt ñan ri katak Bible ro me ebak an dedelok air katak book in Knowledge im rebojak in kwalok nan einwõt ro rejañin baptais ñan air jino bõk kunair ilo jerbal in kwalok nan. Ro redik bareinwõt remaroñ bõk kunair ilo jerbal in ekairujruj.
6 Juõn ennan elamwan emaroñ men eo wõt rej aikwiji. Kwomaroñ ba:
◼ “Ij mõnõnõ in lelok ien eo aõ ñan jibañ leto-letak ennan in elap an aorõk ñan kajjojo family ilo [etan jikin kwelok eo ak bukwon eo]. Eñin copy eo am. Joij im readi.” Emaroñ emõn elañe kwojjab bõk juõn ieb in kwalok ñe kwoj leto-letak News kin Ailiñ eo No. 36.
7 Karõk in Kwelok ko ñan Kwalok Nan Rebolemen: Elder ro rej aikwij lale bwe karõk ko kin kwalok nan ren emõn im keie jimor. Service overseer eo elaptata ej aikwij kõmman bwe en bwe territory ko jen em-ñan-em im business bwe aolep ren maroñ bõk kunair ilo joñan air maroñ ilo jerbal eo. Ñe emaroñ, ren karõk bwe en wõr kwelok ko kin kwalok nan ilo kajjojo ran iloan week eo, ilo weekend ko, im ilo jota. Remaroñ kõmman karõk ko ilo emen im men awa ñan ro rej school, ri jerbal ro eoktaktak air awa in jerbal, im ro jet.
8 Ta eo Kwomaroñ Kõmmane kin Moko Ejako Armij ro Ie: Mejenkajjik eo ad ej ñan konono ibben elõñ ri mweo ilo joñan eo ad maroñ. Elañe ejako armij eo ilo mweo ñe kwoj lolok ir, jei address eo im lolok ir ilo awa eo einjuõn jen ien eo kwar ilok mokta. Elañe kwojjab iione ri mweo mae week eo eliktata in jerbal in leto-letak eo, kwomaroñ door juõn copy in News kin Ailiñ eo No. 36 ilo juõn jikin enojak jen ro rej etetal bajjek. Elder ro ilo bukwon eo remaroñ jiroñ congregation eo ñan door juõn copy in News kin Ailiñ eo No. 36 ilo moko ejako armij ro ie ilo ien eo moktata ñe rej jerbal ilo jikin ko retolok im ilo jikin ko im elõñlok territory ko ie ñan maroñ jerbale ilo ien leto-letak eo im kar kõlajrake.
9 Jen Boub! Congregation ko ren kate ir ñan kamaat territory ko air mokta jen an naj jemlok jerbal in leto-letak eo ilo November 17. Elañe ekilep territory eo am, jet ri kwalok ro remaroñ make jerbal ijo ej emõn im ejelok uwõta ie. Karõk in enaj kõmman bwe en bidodolok ad jibadõk elõñ armij ro remõn ilo joñan wõt ad maroñ. Jab meloklok in je im kõlajrak aolep ro im kwar iion ir im rej itoklimo.
10 Elder ro ren anton kin jete magazine ko jet congregation eo enaj aikwiji im kõmman juõn order ekkar ñan e. Ejelok aikwij eo ñan order News kin Ailiñ eo No. 36, kinke emwij karõke joñan eo rej jilkinlok ñan kajjojo congregation ko. Kajjojo special, regular, im auxiliary pioneer ro renaj bõk 250 copy ko ñan leto-letake, im ri kwalok ro an congregation eo renaj bõk 50 copy ko. Inem kwoj bojak im kijerjer ke ñan jino boub ilo jerbal in ejej uan? Jej bõk juõn jerammõn elap ñan kejelãik aolep ro ri turid kin ta eo Anij ear kallimur kake kin ran ko rebak renaj itok!