Karõk Lok Iman—Kin Ta?
1 Kij aolep jej lemnak kin karõk ko ad kin ran ko renaj itok. Ro ewõr kejatdikdik eo kin mour ion lal rej reimanlok ñan mour indio ilo lal eo ekãl im wãnik an Anij. Ak ewõr kilan ko me remaroñ bõk kejatdikdik eo ad jen buruõd. Jej aikwij kate kij ñan karõk makitkit ko ilo mour eo ad ekkar ñan jerbal ko an Ailiñ eo im jab kõtlok bwe kõnan ko an kanniek ren kamad kij.—1 Jon 2:15-17.
2 Lal in ejjab maroñ melele kin mejenkajjik ko an armij ro ekajur mour in jitõb eo air. (1 Kor. 2:14) Ke ro jet rej kate ir ñan kõtõbar air buñbuñ, kajur, ak mweie, kij jej jibadõk mweiuk ko ilo jitõb. (Mat. 6:19-21) Elañe jaar kajeoñ in ukõt lemnak eo ad ñan an errã ibben lemnak eo an lal in ikijen ran ko renaj itok, jenaj kõtõbrak ke mejenkajjik ko ad ilo jitõb? Ejjabto men ko ejelok tokjeir renaj kobrak buruõd. Ewi wãwen jemaroñ bõprae men in jen an walok?
3 “Kõnõk Iroij Jisõs Kraist”: Juõn wãwen ñan lale elañe jej kalek ilju im jeklaj eo ad ion men ko an Ailiñ eo ej ñan etale bwebwenato eo ad. Elap ke ad konono kin mweiuk ko im men ko rej walok jen ran ñan ran? Elañe eindein, jej aikwij lale elañe buruõd ejakolok an kalimjeklok men ko ilo jitõb. Jemaroñ aikwij kalaplok ad ‘kõnõk Iroij Jisõs Kraist, im jab kapojõk kin kõniek, ñõn jujurmelea ko an.’—Rom 13:14.
4 Jodikdik ro remaroñ ‘kõnõk Iroij Jisõs Kraist’ ilo air karõk lok iman kin ien eo ñe remaroñ deloñ ilo jerbal in kwalok nan full-time. Juõn jodikdik eo ear kõnan regular pioneer ear rittolok ilo juõn jukjuk im bed ijo kar manit eo bwe likao ro rej aikwij bwe air mweie. Kin men in, ear lap an kar lokjak ilo business eo ilo joñan eo ekin bed ilo kwelok ko im bõk kunan ilo kwalok nan kin an baj iminene wõt in kõmmani. Ke ear oktak im jino liki nan ko an Jesus ilo Matu 6:33 im bõjrak jen an bed ilo juõn treadmill ilo kõkkar (einwõt juõn jerbal elap an bõk ien im kamõkmõk), ear bõk jerbal in kwalok nan full-time. Kiõ, kin juõn bõklikit emõn, ej karejar ñan Jehovah, einwõt e ej ba, ‘ñan joñan an maroñ.’
5 Bible ej ba bwe ej juõn men in meletlet ñan karõk lok iman kin ilju im jeklaj eo am. (Ken. 21:5) Kimij kejatdikdik bwe kij aolep jenaj kõmmane ilo ad lemnak kin ankil an Anij moktata.—Ep. 5:15-17.