“Ij Jutak Bin! Ij Jutak Bin! Ij Jutak Bin!”
1 Nan kein an juõn Ri Christian etiljek eo ear deor jen Holocaust eo ear kwalok bebe ebin an elõñ thousand Ri Kennan ro—ro remour im ro remij—me rar tiljek ñan tõmak ko air meñe rar jelmae kõmman ko relej an Nazi ro. (Ep. 6:11, 13) Bwebwenato eo air ekairuj loje kin beran im anjo ej walok ilo cassette in aluij eo ekamakit buru etan Jehovah’s Witnesses Stand Firm Against Nazi Assault. Kimij rejañ aolep ilo congregation eo ñan aluiji im kwalok lemnak im eñjake ko air ñan don.
2 Kõtlok bwe kajitõk kein ren kamakit lemnak eo am: (1) Kin un et ko Ri Kennan ro an Jehovah rar jutak bin nae Nazi ro? (2a) Aitwerõk ta eo ear walok ikijen juõn nan in yokyokwe, im etke? (2b) Ewi wãwen an men in ear jelet family ko an Ri Kennan ro? (3) Jete Ri Kennan ro kar jilkinlok ir ñan concentration camp ko, ewi wãwen rar jelã kajjiir, im ewi wãwen Gestapo ro rar jerbal ibbeir? (4) Wõnãn ta eo jeid im jatid rar jab mõnõnõ in kõllã ñan bõk anemkwoj? (5a) Ewi wãwen im ñããt Ri Kennan ro an Jehovah rar konono ilo beran nae kõmman ko relej an kien eo an Hitler? (5b) Ewi wãwen Hitler ear emmakit? (6) Ewi wãwen burukuk eo an armij ro an Jehovah ear lomor ir im ro jet, ilo enbwin im ilo jitõb? (7) Al in Ailiñ ta eo kar kine ilo juõn concentration camp? (8) Joñok ta ko an maan, kõrã, im jodikdik ro retiljek kar kamakit yuk ñan kejbãrok am tiljek ñan Jehovah, jekdon ta eo emaroñ walok? (Lale bareinwõt 1999 Yearbook, peij 144-7.) (9) Einwõt juõn ian Ri Kennan ro an Jehovah, ewi wãwen cassette in aluij in ear kamakit eñjake eo am kin am jab mõttan lal in?
3 Joñok emõn eo an Ri Kennan ro an Jehovah me ej walok ilo cassette in aluij eo Stand Firm emaroñ jibañ jodikdik ro, meñe ro rejjab Ri Kennan ro, ñan jelmae aitwerõk ko raorõk einwõt kwalok kalijeklok, ijjibed ko an ro dettair wõt juõn, in bõklikit. Elañe kwoj juõn jodikdik ilo middle school ak class ko reutiejlok, kwomaroñ ke lelok ñan ri kaki ro am ien eo emõn ñan kajerbal cassette in ilo class eo am? Bõlen kwomaroñ lelok ñan ir juõn copy in cassette in aluij in im kwaloke einwõt juõn bwebwenato in lal in edik jelã kake ak einwõt juõn documentary (pija in kein kamol kin juõn men) me ej katakin kin mwil eo ejimwe im bwid.
4 Cassette in aluij eo Stand Firm ej juõn kein jerbal elukkun emõn ñan kwalok kin ewi wãwen katak ko rekwojarjar rej kakajur kij ilo jitõb ñan kabuñburuen Anij ilo ad jutak bin kin men eo ejimwe. (1 Kor. 16:13) Jake ibben aolep ro rej itoklimo ilo mol eo.