Juõn Video Me Ej Tellokin Ad Kalmenlokjen Kake
“Video in ej lukkun kamakit yuk ñan lemnak!”
“Elel buruõ!”
“Elap an kar jelet eñjake ko aõ!”
1 Eñin ke kar eñjake eo am ke kwar aluiji video eo Young People Ask—How Can I Make Real Friends? (Jodikdik Ro Rej Kajitõk—Ewi Wãwen I Maroñ Kõmman Jimjera Ro Remol?) Jet yiõ ko remotlok, juõn Christian likao ear iion juõn abañ ilo mour eo an, eo ear walok kin jokãlet eo kin ro mõttan. Rar kõmman bwe en luji itoklimo eo an kin mol eo, im ear bareinwõt luji kõtan eo an ibben Jehovah. Inem ear walok Jimjera Ro Remol video eo. Ear je: “Ke iar aluije video eo elõñ alen, ear toor den in kemjalal jen meja. Iar kamolol Jehovah kin jibañ eo an ilo ien ekkar.” Video eo ear kamakit e ñan ukõt wãwen an mour im ñan bukõt ro jeran remõn. Ear kobaik: “Ealikar bwe eo ear kõmmane video in ear jelã kin ta eo ej jelet jodikdik ro ilo ran kein.” Ro jemen im jinen im jodikdik ro, etke komij jab bar aluije video in ilo katak in family eo ami tok juõn? Bõjrak jidik elikin kajjojo mõttan, im bwebwenato ibben don im kwalok buruemi kin kajitõk ko ilo paragraph ko tok ilal.
2 Nan in Jino: Ta in juõn jeran emol?—Ken. 18:24.
3 Men ko Rej Bõprae Jimjera: Ewi wãwen am maroñ anjo ion eñjake eo bwe armij rej kajekdon yuk? (Pil. 2:4) Etke kwoj aikwij mõnõnõ in kakõmõnmõnlok kadkad ko kadkadim, im wõn eo emaroñ jibañ yuk kõmmane men in? Ta ien ko remõn remaroñ bellok ñan am kalõñlok ro jeram, im jemaroñ lo ir ia?—2 Kor. 6:13.
4 Jimjera Ibben Anij: Ewi wãwen am maroñ kaddek juõn kõtan ebaklok ibben Jehovah, im etke ewõr tokjen ñan am kate im kõmmane men in? (Sam. 34:8) Wõn eo emõntata an maroñ kakajurlok kõtan eo am ibben Anij?
5 Armij Ro Enana Jeraiki: Wõn ro rej kamao ko renana? (1 Kor. 15:33) Ewi wãwen ro jeram renana remaroñ kajorrãn mour in jitõb eo am? Ta eo bwebwenato eo kin Dinah ej katakin yuk kake?—Jen. 34:1, 2, 7, 19.
6 Juõn Tieta ilo Ran Kein: Ewi wãwen eñjake in make ian ear jelet Tara? Ewi wãwen an kar kõmman jekben ñan an tel an ibben jodikdik ro ilo lal in? Kar likit e ilo wãwen et ko rekauwatata? Etke jemen im jinen rar likjap in kile wãwen eo ekauwatata ear jelmaiki, ak ewi wãwen ritto ro rar ukõt lemnak eo air bwe ren maroñ jibañ e bwe en bar kajur ilo jitõb? Ewi wãwen juõn sister eo ej pioneer ear kwalok bwe ear juõn jeran emol ñan Tara? Etke Ri Christian ro rej aikwij bokake Jabõn Kennan Ko 13:20 im Jeremiah 17:9? Ta men eo elaptata Tara ear katak?
7 Jemlokin: Ta men ko kwar katak jen video in? Ewi wãwen am maroñ kajerbale ñan jibañ ro jet?—Sam 71:17.