Kwomaroñ ke Jerbal Ijo Elaplok Air Aikwiji Jibañ Ie?
1 Kwonañin lemnak ke in emmakit ñan ijo elaplok air aikwiji ri keañ ro kin Ailiñ eo? Elañe rar kir yuk ñan “itok . . . im jibõñ,” kwonaj kar emmakit ke einwõt ri jilek Paul? (Jerbal 16:9, 10) Ilo elõñ congregation ko, ewõr juõn aikwij kin family ko reritto ilo jitõb, pioneer ro ñan jibañ jerbale territory eo, ak elder ro im ministerial servant ro ewõr air maroñ ñan jibañ in tel. Territory eo emaroñ ejaakin elõñ bukwon ko redik me rej jebliklik. Kingdom Hall eo ebaktata emaroñ elõñ mile ko retolok. Emaroñ eiet jikin jerbal ko. Mejatoto eo emaroñ jab lukkun emõn. Kwonaj mõnõnõ in bõk ke juõn aitwerõk rot in. Ewi wãwen kwomaroñ lo tõbrak kin men in?
2 Tõmak im Liki Rej Men in Aikwij ko: Ilo tel eo an Anij, Abram ear ilok jen Ur bukwon eo an im ito-itak joñan in 600 mile ko ñan Haran ibben lio belen, leo mañden, im lõllab eo jemen, Terah. (Jen. 11:31, 32; Nih. 9:7) Elikin an kar mij Terah, Jehovah ear kakien Abram, kiõ 75 an yiõ, ñan ilok jen Haran im ro nukin im etal ñan juõn ailiñ Anij enaj ba kajjen. Abram, Sarai, im Lot “rar driojlok.” (Jen. 12:1, 4, 5) Emol, Abram ear jab emmakit bwe en jerbal ijo rar aikwiji jibañ ie kin ri karejar ro. Ak emmakit eo an ear aikwiji jet men. Ta?
3 Abram ear aikwij kwalok tõmak im liki ñan an kõmman men in. Lemnak eo an im wãwen an mour ear aikwij oktak. Ear aikwij ilok jen jokane eo ear eñjake kin an bed ibben ro nukin. Ak ear liki bwe Jehovah enaj kejbãrok e im family eo an. Elõñ ro rainin rej kwalok air liki Jehovah ilo ejja wãwen eo wõt.
4 Lolok ko Rekadu: Kwonañin bõk ke jerammõn ko relap rej itok jen am jerbal ilo territory ko rejañin karõki ñan juõn congregation? Yiõ eo lok ilo ailiñ ko l0 iumin Ra eo ilo Guam kar wõr elõñlok jen 2,000 ri kwalok ro jen 26 congregation ko rar kwalok kin news eo emõn ilo ailiñ kein ilo Micronesia. Ak ewõr wõt ailiñ ko ilikin me rej watõki einwõt territory ko ejeja air jerbal ie. Bwe ri kwalok ro ren lolok ailiñ kein emaroñ aikwij air ito-itak ñan jikin ko retolok. Ewõr ke tokjen jibadbad in?
5 Elõñ kajjojo Ri Kennan ro ilujen Micronesia rar bõk ien ko remõn ñan jake mol eo ilo Bible ibben armij ro me rejamin naj kar iion ir. Ke juõn sister ilo ailiñ ko ilo Majõl ear bõk jerbal eo einwõt juõn ri kaki ilo ailiñ in Jaluit, ear lo bwe ekar make wõt Ri Kennan eo ilo ene eo. Ear jino in kwalok nan ilo kijejeto ibben aolep ro ri turin, kõmman ratimjuõn katak kin Bible ko im tel ilo kwelok eo kajjojo week an kumi eo. Ke juõn ministerial servant jen Majuro ear etal ijo ilo April 2000 ñan kwalok katak eo kin Kwojkwoj in mij eo an Christ, kar wõr 175 armij ro rar bed ilo kwelok eo. Sister in ear kirtok elõñ joñan wõt an maroñ ñan itok ñan kwelok in eaorõk. Bwe en jibañ armij rein ñan air eddeklok ilo jitõb, brother in im lio belen rar bebe ñan emmakit ñan Jaluit im ear jutak juõn congregation jen ien eo.
6 Bõk aitwerõk eo ñan lolok ijo elaplok air aikwiji jibañ ie emaroñ wõr bar juõn tokjen. Ro rej kõmmane remaroñ bõk melele ko rekeie ñan jibañ ir “bebe kin wõnan” air emmakit ñan ijo rãjet in ailiñ eo.—Luk 14:28.
7 Jehovah emwij an karõk bwe ren keañ kin news eo emõn “i aolepen lõl” mokta jen an naj itok jemlokin. (Mat. 24:14) Ilo am jelã kin men in, elañe kwomaroñ, kwonaj mõnõnõ ke in emmakit ñan ijo elaplok air aikwiji jibañ ie? Ewõr juõn aikwij ilo elõñ jikin ko.
8 Emmakit ñan Ijo Elaplok Air Aikwiji Jibañ Ie: Emwij am retire ke? Ekkeini ke am bõk wõnãn jerbal? Elañe jab, kwomaroñ ke make kajutak juõn business? Kwomaroñ ke kõmman business jen jabdewõt jikin kwoj bed ie ikijen am kajerbal telephone ak computer eo? Elañe kwojjab maroñ emmakit, kwomaroñ ke jibañ juõn uan family eo ñan jerbal ilo bar juõn jikin?
9 Elañe elikin am lukkun lemnak kake im kwoj eñjake bwe kwomaroñ emmakit ñan ijo rej aikwiji jibañ ie, bwebwenato kin men in ibben family eo am im ibben elder ro ilo congregation eo am. Inem, keboj juõn letter im leloke ñan elder ro bwe ren maroñ kobaik lemnak ko air im nan in rejañ ko mokta jen air jilkinloke ñan ra eo.
10 Ta eo kwon kobaik ilo letter eo am? Joñan dettam, ran in am baptais, eddo ko ilo congregation eo, elañe kwoj belele, im elañe ewõr ro nejõm redik. Kwalok jikin eo kwo kõnan jerbal ie, ekkar ñan aikwij ko am make. Ñan wanjoñok, kwomaroñ ke jokwe ilo juõn jikin elap bwil im mõlawi ie? Kwomaroñ ke kijenmij ilo ien mõlo? Kwomaroñ ke jokwe ilo jikin ko reutiej? Kwoj konono ke jabdewõt kajin ko jet?
11 Kwoj kijejeto ke im make lemnak im kõmman men ko? Wãwen ko ibbam rej kõtlok ke am jerbal ijo elaplok air aikwiji jibañ ie? Elañe aet, inem lale wãwen eo Jehovah ej lutõklok wõt jerammõn ko ion ro rej liki e ke rej kwalok jitõb in karmijeteik kõnan ko air make!—Sam 34:8; Mal. 3:10, New World Translation.