Kwalok kin Ãt eo Ekwojarjar
1 Ewi wãwen kwar emmakit ke kwar katak kin ãt eo etan Anij? Emmakit eo an elõñ ej einlok wõt eo an juõn kõrã eo ear ba: “Ke ij kab lo ãt eo etan Anij ilo Bible eo, iar jañ. Jelã in bwe iar maroñ jelã im kajerbal ãt eo etan Anij ear lap an jelet buruõd.” Ñan e, katak kin ãt eo ekwojarjar ear juõn buñten nee eaorõk ñan jelã Jehovah einwõt juõn armij ak juõn eo emour im ñan an maroñ kalek juõn kõtan emõn ibben.
2 Etke Jej Aikwij Kwaloke? Jelã kin etan Anij ekoba ad katak kin kadkad ko kadkadin, karõk ko an, im jerbal ko an. Jej aikwij bareinwõt jelã kin etan Anij elañe je kõnan bõk lomor. “Bwe ro otemjej rej kir etan [Jehovah] re naj mour,” ri jilek Paul ear je. Ak “ekijkan air naj kir [ñan e],” Paul ear kõmmanwa, elañe armij rejjab katak mokta kin Jehovah im tõmak ilo e? Kin men in, eaorõk bwe Ri Christian ro ren kwalok ñan ro jet kin etan Anij im men otemjej ej kitibuji. (Rom 10:13, 14) Bõtab, ewõr juõn un elaplok jej aikwij kwalok kin ãt in ekwojarjar.
3 Ilo yiõ ko ilo 1920, armij ro an Anij rar kile jen Jeje ko kin aitwerõk eo ej walok ijoko otemjej ilañ im ilal ikijen karreoik lotan ko nae kajur bõtata eo an Anij, im kokwojarjar ãt eo etan. Mokta jen an Jehovah naj kokkure ro renana ñan jolok lotan ko kar likiti ion ãt eo etan, mol eo kin e rej aikwij jelã kake “ilo aolepen lõl in.” (Ais. 12:4, 5; Ezek. 38:23, New World Translation) Kin men in, un eo elaptata kin ad kwalok nan ej ñan nebar Jehovah ilobwilij im ñan kokwojarjar ãt eo etan iman armij otemjej. (Hib. 13:15) Yokwe ñan Anij im ri turid naj kamakit kij ñan bõk kunad ilo jerbal eo Anij ear karõke.
4 “Bõk Armij jen Ir kin Etan”: Ilo 1931 jaar bõk ãt in Ri Kennan ro an Jehovah. (Ais. 43:10) Jen ien eo, armij ro an Anij rar kwalok kin ãt in ekwojarjar ñan joñan eo book in Proclaimers, peij 124, ej ba: “Ibelakin lal, jabdewõt armij eo elap an kajerbal etan Jehovah emõkaj air watõk e einwõt juõn ian Ri Kennan ro an Jehovah.” Rej kile yuk ke ilo wãwen in? Kamolol kin lejokmen eo an Jehovah en kar kamakit kij ñan ‘kaibujuij etan,’ im konono kake e ilo jabdewõt ien ekkar.—Sam 20:7; 145:1, 2, 7.
5 Einwõt “armij jen ir kin etan,” jej aikwij lore kien ko an. (Jerbal 15:14; 2 Tim. 2:19) Men eo moktata ekkã an armij kile kin Ri Kennan ro an Jehovah ej mwiliir. (1 Pit. 2:12) Jejjab kõnan katton etan ilo ad kajekdon kien ko rekwojarjar ak ilo ad likit bwe kabuñ eo an en kein karuo ilo mour ko ad. (Liv. 22:31, 32; Mal. 1:6-8, 12-14, NW) Jen men in, jen kõmman bwe wãwen mour eo ad en kwalok bwe jej kaorõk jerammõn eo ñan ad inek ãt in ekwojarjar.
6 Rainin, jej lo an jejjet kitien nan in kaiñi in an Jehovah: “Jen tak in al im ñan an tulok eta enaj lap ibwiljin ri ailiñ ko.” (Mal. 1:11, NW) Jen wõnmanlok im kwalok mol eo kin Jehovah im “[kaibujuij] etan ekwojarjar ñõn in drio im in drio.”—Sam 145:21.
[Kajjitõk ko]
1. Ad katak kin ãt eo etan Anij ewi wãwen an maroñ jelet armij?
2. Etke eaorõk bwe jen katakin ro jet kin Jehovah?
3. Ta un eo elaptata unin ad kwalok nan?
4. Ewi wãwen rej kile Ri Kennan ro an Jehovah ikijen etan Anij?
5. Ewi wãwen mwilid ekoba ilo ad inek etan Anij?
6. Jerammõn ta eo jemaroñ lañliñ kake kiõ im indio?