Kajañjañ ko Me Rej Kaemololo
1 Al im kajañjañ rej juõn mõttan eaorõk ilo kabuñ eo emol. Ilo Israel eo etto, Asaph im lõmaro jein im jatin rar al: “O komin kamolol Jeova. . . . Komin al ñõn E, komin al ñõn E kin nebar ko; komin konono kin jerbal in bwilõñ ko An otemjej.” (1 Kron. 16:8, 9) Rainin jej kotake ainikied ilo al ñan Jehovah ilo kwelok ko ad ilo congregation eo week otemjej. (Ep. 5:19) Ej juõn ien elap an emõn ñan nebar etan!—Sam 69:30.
2 Ilo ad roñjake Kingdom Melodies, al ko an Ailiñ eo me orchestra eo ej kajañjañ kaki, remaroñ kobrak lemnak ko ad kin men ko lor jitõb. “Ke ij roñjake kajañjañ ko, ij jino in kememej nan ko ilo al eo,” juõn sister ear kamelele. “Ej juõn wãwen elap an emõn ñan aõ lemnak wõt kin Jehovah ilo ien eo ij mõnõnõ kin kajañjañ eo!”—Pil. 4:8.
3 Ien ko ñan Ad Lañliñ Kaki: Kajañjañ kin Kingdom Melodies ilo mweo emaroñ bõktok juõn mejatoto emãnãn eo ej kamakit kij ñan lemnak kin men ko ilo jitõb me ej jibañ kowõnmanlok ainemõn eo an family eo. “Kimij kajañjañ kin al kein ien otemjej ilo mweo im ilo wa eo im kimij jab mõk in roñjake kinke kar kõlajrake ilo juõn wãwen ekaitoktoklimo,” juõn family ear je. “Ekkã an Kingdom Melodies letok wãwen lemnak eo ekkar ñe kimij kebojak kin kwelok ko an Christian ak ñe kimij etal ñan juõn assembly.” Juõn sister ear ba: “Elap air kalañliñ iõ ke ij roñjake kajañjañ ko im kõmmani jerbal ko ilo mweo—wõn eo enaj kar lemnak inaj lañliñ ke ij lemlem nuknuk ko? Ij karõk ñan kajañ al kein ñe ij eñjake aõ buromõj. Kajañjañ in elap an wõr maroñ in kalañliñ! . . . Kajjojo al ej kamõnõnõ.” Ewõr ke ien ko ñe kajañjañ rot kein rekaemololo enaj wõr tokjeir ñan yuk?
4 Elõñ ian kajañjañ ko rainin rej kwalok jitõbõn lal in. Ro jemen im jinen remaroñ jibañ ro nejiir ñan kaddeklok juõn kõnan kin kajañjañ ko remõn ilo air kortokjen Kingdom Melodies. Elõñ ri katak Bible ro im ro rej itoklimo renaj mõnõnõ in jelã kin al kein raibujuij, me rej kaibujuij Jehovah im kamõnõnõik kij.—Sam 47:1, 2, 6, 7.