Juon Wãween eo Em̦m̦an ñan Roñjake Kõjañjañ ko Jãn Doulul Eo
Ro me rej karejar ñan Anij rej kile bwe ainikien kõjañjañ ej juon menin letok ekanooj em̦m̦an jãn Jeova. (Jem. 1:17) M̦okta im ãlikin iien kweilo̦k ko, elõñ eklejia ko rej kõm̦m̦an bwe en wõr jidik ainikien kõjañjañ ko jãn doulul eo. Ñe jej del̦o̦ñ ilowaan im̦õn kweilo̦k eo im jej roñ ainikien kõjañjañ kein, ej ãinwõt ñe ej karwaineneik tok kõj. Ainikien kõjañjañ kein rej kõpooj bũruod ñan ad naaj kabuñ ñan Anij ilo iien kweilo̦k ko. Bareinwõt, ñe jej roñ ainikien kõjañjañ kein emaroñ jipañ kõj bwe en jim̦we ad l̦oor al ko ekkar ñan kõjañjañ in al ko. Ñe jej roñ ainikien kõjañjañ rot kein ãlikin iien kweilo̦k eo, ej lujur kõj bwe jen bwebwenato im kakajoor doon. Em̦m̦aan ro me rej lale eklejia eo remaroñ kããlõt kõjañjañ ko an doulul in me jenaaj roñjaki m̦okta ak ãlikin kweilo̦k ko. Innem bwe en jab kapañ an ri kweilo̦k ro bwebwenato ippãn doon, rej aikuj lale bwe en em̦m̦an joñan ainikien kõjañjañ eo.