Kejbãrok juõn Jitõb in Ekaiuriur!
1 Jesus ear jelã bwe ien eo ear wõr ibben ñan kõtõbrak jerbal eo an Jemen ear wõr joñan. (Jon 9:4) Kin men in, ear kajejjet jerbal in kwalok nan eo an ilo an wõr juõn jitõb in ekaiuriur ibben, im ear katakin ri kalor ro an ñan kõmman einwõt. (Luk 4:42-44; 8:1; 10:2-4) Men ko lor kanniek rar kein karuo ilo mour eo an. (Mat. 8:20) Ilo wãwen in, ear maroñ kõtõbrak jerbal eo Jehovah ear lelok ñan e ñan an kõmmane.—Jon 17:4.
2 Ewõr Joñan Ien eo: Ien eo ñan kwalok kin news eo emõn “i aolepen lõl” e bar wõr joñan ien ñan kõtõbrake. (Mat. 24:14) Kanan ko ilo Bible rej kalikar bwe jej bed lukkun ebak ñan ien jemlokin. Mõttan jidik “ro re jab bokake gospel an ar Iroij Jisõs Kraist . . . naj iñtan ilo kokkure in drio.” (2 Tess. 1:6-9) Ekajet in enaj walok ilo idiñ. (Luk 21:34, 35; 1 Tess. 5:2, 3) Armij rej aikwij jelã kin wãwen eo ekauwatata rej bed ie. Ej eddo eo ad ñan jibañ ir ñan bukõt buñburu eo an Jehovah ke ej wõr wõt ien.—Zeph. 2:2, 3, New World Translation.
3 Kõmman Joñan Wõt Ad Maroñ: Ilo air kile bwe “e karu ien,” ri karejar ro an Anij rej likit bwe jerbal in kwalok nan en moktata. (1 Kor. 7:29-31; Mat. 6:33) Jet rar mõnõnõ in kabõjrak air bukõt ien ko remõn ñan korlok money ak jibadõk jibadbad ko air make bwe ren maroñ kalaplok kunair ilo jerbal in kwalok nan. (Mark 10:29, 30) Ro jet rej wõnmanlok im ‘boub wõt ilo jerbal eo an Iroij’ meñe rej aikwij kijenmij kin melejoñ ko. (1 Kor. 15:58) Elõñ rar tiljek ilo keañ kin news eo emõn iumin elõñ yiõ ko. (Hib. 10:23) Jehovah elap an kaorõk katok rot kein ñan jurake men ko an Ailiñ eo.—Hib. 6:10.
4 Ilo ad keolaplap mour ko ad ilo kabuñ eo an Jehovah, eo ekoba jerbal in kwalok nan, ej jibañ kij ñan lemnak kin ran eo an Jehovah. Ej kejbãrok kij bwe jen jab mad ibben lal eo an Satan im ej kabin bebe eo ad ñan kejbãrok mwil erreo. (2 Pit. 3:11-14) Emol, ilo ad kajejjet jerbal in kwalok nan eo ad kin juõn jitõb in ekaiuriur emaroñ bõktok lomor, ñan kij make im ro rej roñjake kij.—1 Tim. 4:16.