Kõmman Bible Study ko Rej Wõnmanlok Part 12
Jibañ Ri Katak Ro ñan Jino im Kõmman Bible Study ko
1 Ñe ri katak Bible ro ad rej jino bõk kunair ilo jerbal in kwalok nan, lemnak in jino im kõmman Bible study ko emaroñ kamijak ir. Ewi wãwen jemaroñ jibañ ir kaddeklok juõn lemnak emõn kin mõttan in eaorõk ilo jerbal in kwalok nan eo ad?—Mat. 24:14; 28:19, 20.
2 Ñe juõn ri katak ej tellokin bwe en erom juõn ri kwalok nan ejañin baptais, ekkã an dedelok an bõk kunan ilo Theocratic Ministry School eo. Kaminene eo ej bõke ke ej keboje im kwalok katak ko an enaj jibañ e ñan kaddeklok kabel ko ñan katakin me rej men in aikwij ko ñan juõn “dri jerbal e jamin jok im ejimewõt an katakin kin nan in mol.”—2 Tim. 2:15.
3 Katakin Ikijen Joñok eo Am: Jesus ear katakin ri kalor ro an ilo an lelok nan in jiroñ ko ralikar im ilo an kõmman juõn joñok emõn. Ear ba: “Ro otemjej ñe re wãppen re naj einwõt air dri kaki.” (Luk 6:40) Eaorõk ñan am kajeoñe Jesus ilo am kõmman juõn joñok emõn ilo jerbal in kwalok nan eo am. Ñe ri katak eo ej lo joñok eo am ilo jerbal in kwalok nan, enaj melele bwe mejenkajjik eo ñan bar jeblak ej ñan jino Bible study ko.
4 Kamelele bwe ñe jej tilmake juõn Bible study, ejjab juõn men in aikwij ñan kamelele ilo tibdikdik kin karõk in katak eo. Men eo ekkã an emõn ej ilo am kwalok kilen ilo am kajerbal juõn ak ruo paragraph jen book eo. Kwomaroñ lo nan in rejañ ko rekeie ilo peij 8 ilo copy in Ad Jerbal Ñan Ailiñ Eo im ilo peij 6 ilo copy eo ilo January 2002.
5 Ñe ekkar, kir ri katak eo ñan amiro etal ak en etal ibben bar juõn ri kwalok eo ewõr an iminene ñan Bible study ko jet. Emaroñ bõk kunan ilo an uak kin juõn paragraph ak juõn eon. Ilo wãwen in, ilo an lale, ri katak eo enaj lap an katak kin wãwen kilen kõmman Bible study ko rej wõnmanlok. (Ken. 27:17; 2 Tim. 2:2) Nebar e, im bwebwenato kin ewi wãwen emaroñ kõmanmanlok.
6 Katakin ri kwalok ro rekãl bwe ren ri katakin ro kin Nan eo an Anij enaj kamaroñ ir kin “jerbal emõn” ñan jino im kõmman Bible study ko air make. (2 Tim. 3:17) Elap an kajuburu ilo ad jerbal ibbeir ñan lelok nan in kir eo e yokwe: “Eo e kõnan, en bõk dren in mour ejij wõnan”!—Rev. 22:17.