Kejbãrok

Kõmman Bible Study ko Rej Wõnmanlok

Insert in ej juõn kakobaba in point ko relap jen lelkan in katak ko kin kõmman Bible study ko rej wõnmanlok me rar walok ilo Ad Jerbal Ñan Ailiñ Eo. Kimij rejañ aolep bwe ren kejbãrok insert in im etale ñe rej kõmman Bible study ko. Bareinwõt, kom maroñ kajerbal point ko jen insert in ilo kwelok ko ñan kwalok nan, im service overseer ro remaroñ kajerbale einwõt bedbed in katak ko rej kwalok kaki ñe rej lolok kumi in book study ko.

Part 1: Ta In juõn Bible Study?

Elañe kwoj keini am bwebwenato kin Bible eo im kwoj lor juõn lajrak in katak, meñe ekadu, im kwoj kajerbal Bible eo im juõn ian book ko rej rejañ kake, kwoj kõmmane juõn Bible study. Kwomaroñ jino reporte katak eo ñe emwij am kar kõmmane ruo alen elikin am kwalok kilen katak Bible eo im elañe ewõr unin am tõmak bwe katak eo enaj wõnmanlok.​—km 7/04 p. 1.

Book ko Rej Rejañ kaki

◼ Ta Eo Anij Ekõnan Bwe Jen Kõmmõne?

◼ Jelãlokjen eo Ej Tellok ñan Mour Indio

◼ Worship the Only True God (Kabuñ ñan Anij eo Wõt Emol)

◼ Kwomaroñ Jeran Anij! ej juõn brochure kwomaroñ kajerbale ñan katak ibben armij ro me ejjab bwe jelã ibbeir ak jidik wõt air jelã read.

Part 2: Kebojak ñan Kõmmane Katak eo

Jej aikwij kwalok melele eo ilo juõn wãwen me enaj jelet buruen ri katak eo. Kin men in kwoj aikwij keboje katak eo ilo am lemnak kin ri katak ro kajjojo.​—km 8/04 p. 1.

Ewi Wãwen Jemaroñ Kebojak

◼ Etale unin tel in katak eo, unin tel ko redik, im pija ko ilo katak eo ak katak eo.

◼ Bukõt uak ko ñan kajitõk ko emwij jei, im kakõlleik wõt nan ko raorõk.

◼ Kãlet eon ko kwonaj readi ilo ien katak eo. Je kamelele ko rekadu kin eon ko itõrerein peij eo ilo book eo kwoj katak kake.

◼ Keboj juõn elij ekadu kin point ko relap.

Kõmman bwe Katak eo En Jejjet ñan Aikwij ko an Armij eo

◼ Jar kin ri katak eo im aikwij ko an.

◼ Lemnak lok iman kin point ko me renaj bin ñan an ri katak eo melele kaki im bõki.

◼ Lemnak: Ta eo ej aikwij melele kake ak jerbale bwe en kõmman wõnmanlok ilo jitõb? Ewi wãwen I maroñ tõbar buruen?

◼ Elañe ej juõn men in aikwij, keboj juõn wanjoñok, juõn kamelele, ak juõn lelkan in kajitõk ko ñan jibañ ri katak eo ñan melele kin juõn point ak eon.

Part 3: Ekeie Wãwen Am Kajerbal Eon ko

Unin jej kõmman Bible Study ko ej ñan “kõmõn dri kalor ro” ilo ad jibañ armij ñan melele im bõk katak ko ilo Nan eo an Anij im jerbali ilo air mour. (Mat. 28:19, 20; 1 Tess. 2:13) Kin men in, katak eo en bedbed ion nan ko ilo Jeje Ko.​—km 11/04 p. 4.

Katakin Jen Nan eo an Anij

◼ Kwalok ñan ri katak eo kilen bukõt eon ko ilo Bible eo an make.

◼ Lale im bwebwenato kin eon ko ilo Bible me rej kwalok kin bedbed in tõmak ko ad.

◼ Kajerbal kajitõk ko. Ijellokin am kameleleik ri katak eo kin eon ko ilo Bible, kõmman bwe en kameleleik yuk kaki.

◼ Kõmman bwe en lamwan. Kwon jab kajeoñ in kamelele kin aolep wãwen ko ñan melele ko kin eon eo. Kajerbal melele eo wõt me ej kalikar point eo.

◼ En keie wãwen am jerbale. Jibañ ri katak eo ñan an lo ewi wãwen eon ko ilo Bible rej jerbal ñan e make.

Part 4:Katakin Ri Katak Ro ñan Kebojak Lok Iman

Juõn ri katak eo ej readi katak eo ilo ien lok iman, kakõlleik uak ko, im lemnak kin ewi wãwen enaj uak ilo nan ko an make ekkã an naj mõkaj an kõmman wõnmanlok ilo jitõb. Kin men in, ñe kwoj jino juõn Bible study, keboj juõn katak ibben don ñan am kwalok ñan ri katak eo kilen kõmmane. Ñan elõñ ri katak ro, enaj juõn men in jibañ ñan keboje aolepen juõn katak ak katak ibben don.​—km 12/04 p. 1.

Kakõlle ko im Jeje Nan ko

◼ Kamelele kin ewi wãwen emaroñ lo uak ko ñan kajitõk ko emwij jei.

◼ Kwalok ñan ri katak eo book eo am make me emwij am kakõlleik nan ko wõt raorõk.

◼ Jibañ ri katak eo ñan lo bwe kajjojo eon ko rej kwalok kaki rej rejetak juõn point ilo paragraph eo, im kwalok ñan e kilen je kamelele ko rekadu itõrerein book in katak eo an.

Etale Katak eo Ilo Tu-kadu im Elij

◼ Kwalok ñan ri katak eo kilen etale katak eo ak unin tel in katak eo, unin tel ko redik, im pija ko mokta jen an jino keboje katak eo ilo tibdikin.

◼ Rejañ ri katak eo ñan elij point ko relap ilo jemlokin ien kebojak eo.

Part 5: Bebe kin Ewi Joñan Katak eo Kwonaj Etale

Joñan katak eo rej etale ej wawa ion maroñ eo im wãwen ko ibben eo ej katakin im ri katak eo jimor.​—km 1/05 p. 1.

Kalek Tõmak eo Ebin

◼ Elaplok an aorõk ñan ad jibañ ri katak eo bõk jelãlokjen eo ejimwe jen ad kair ñan kadedelok an katak book eo ilo mõkaj.

◼ Bõk jabdewõt ien kwoj aikwiji ñan jibañ ri katak eo ñan melele im bõk ta eo ej katak kake.

◼ Kõtlok bwe en bwe ien ñan etale point ko relap im ñan etale eon ko me rej letok bedbed in katak ko.

Kõmman Bwe Katak eo En Wõnmanlok Wõt

◼ Elañe ri katak eo elap an konono kin abañ ko an make, kwomaroñ karõk bwe komin bwebwenato kin men kein elikin ien katak eo.

◼ En jab le jen joñan ad konono ilo ien katak eo. Kõmman joñan am bwebwenato kin point ko im experience ko bwe kwon jab kautameik ri katak eo jen an bõk jelãlokjen eo ejimwe kin irinekatak ko ilo Bible.

Part 6: Ñe juõn Ri Katak Ej Bõkmantak juõn Kajitõk

Ñe ededelok an jutak juõn Bible study, men eo ekkã an emõn ej bwe jen etale katak ko ilo Bible ilo juõn lajrak ekwon jen ad etal jen juõn katak ñan bar juõn. Men in ej jibañ ri katak eo ñan an ejaake juõn bedbed in jelãlokjen eo ejimwe im ñan kõmman wõnmanlok ilo jitõb.​—km 2/05 p. 6.

Kwon Kwalok Lolokjen

◼ Kajitõk ko me rej ekkeijaklok ibben katak eo komij etale kwomaroñ uaki ilo mõkaj.

◼ Kajitõk ko me reoktak jen men eo komij katak kake ak kwoj aikwij kõmman research kaki kom maroñ etale ilo bar juõn ien. Enaj juõn men in jibañ ñan am je kajitõk kein.

◼ Elañe ebin an ri katak eo tõmak juõn katak, komin etale katak ko jet me elap air kwalok ta eo Bible ej ba kin katak eo.

◼ Elañe ebin wõt an ri katak eo tõmak, likiti katak eo ñan ami etale bar juõn ien im wõnmanlok ilo katak eo.

Kwon Ettã Buru

◼ Elañe kwojjab lukkun jelã uak eo ñan juõn kajitõk, kwon jab kwalok lemnak eo am make.

◼ Jidik kin jidik kwalok ñan ri katak eo kilen kõmman research.

Part 7: Jar ilo Ien Katak eo

Bwe ri katak Bible ro ren kõmman wõnmanlok ko ilo jitõb, kajerammõn eo an Jehovah elap an aorõk. Kin men in, ej juõn men ekkar bwe jen kabellok im kajemlok katak eo kin jar.​—km 3/05 p. 4.

Ewi Wãwen Jemaroñ Bõkmantak kin Jar

◼ Ibben armij ro elap air tõmak ilo kabuñ, ekkã ad maroñ jar ibbeir jen ien katak eo moktata.

◼ Ikijen ro jet, jej aikwij lale ien eo ekkar ñan jino kin jar.

◼ Kwomaroñ kajerbal Sam 25:4, 5 im 1 Jon 5:14 ñan kamelele kin etke eaorõk jar.

◼ Kwomaroñ kajerbal Jon 15:16 ñan kwalok bwe jej aikwij jar ñan Jehovah ikijen Jesus Christ.

Ta eo Jar ko Ren Kitibuji

◼ Ekkar bwe jen lelok nebar ñan Jehovah eo ej Unjen katak ko.

◼ Kwalok itoklimo eo ad emol kin ri katak eo.

◼ Kwalok ad kamolol kin dolul eo me Jehovah ej kajerbale.

◼ Kajitõk kin kajerammõn eo an Jehovah kin jibadbad ko an ri katak eo.

Part 8: Kareilok Ri Katak Ro ñan Dolul eo

Mejenkajjik eo ad ñe jej kõmman Bible study ko ejjab ñan baj katakin wõt ir kin katak ko ak jekõnan bareinwõt jibañ ir ñan erom mõttan congregation in Christian eo. Bõk jejjo wõt minute ko ilo katak eo kajjojo week ñan kwalok juõn point kin dolul eo an Jehovah.​—km 4/05 p. 8.

Kwelok ko an Congregation eo

◼ Kwalok kin kwelok ko kajjojo an congregation eo. Jen ien katak eo moktata, kir ir ñan kwelok.

◼ Kwalok point ko relap rar walok ilo kwelok ko.

◼ Kalaplok air kijoror kin Kwojkwoj in Kememej eo, assembly ko, im lotok eo an circuit overseer eo.

◼ Kajerbal pija ko ilo book ko ad ñan jibañ ir lo ta eo ej walok.

◼ Rejañ ir ñan read brochure eo Jehovah’s Witnesses​—Who Are They? What Do They Believe? (Ri Kennan ro an Jehovah​—Wõn Ir? Ta eo Rej Tõmak?)

Kajerbal Video ko ñan Kalek Air Kamolol

◼ Jehovah’s Witnesses​—The Organization Behind the Name

◼ Our Whole Association of Brothers

◼ United by Divine Teaching

◼ To the Ends of the Earth

Part 9: Keboj Ri Katak Ro ñan Kwalok Nan Ilo Ien Emõntok

Ke Ri katak Bible ro rej jino tõmak kin ta eo rej katak, ej kamakit ir ñan konono kake.​—km 5/05 p. 1.

Rejañ Ir ñan Kwalok Nan

◼ Ewõr ke ro jeran im ro uan family eo an emaroñ kirtok ir ñan koba ibben ilo ien an katak?

◼ Jabdewõt ian ri jerbal ro mõttan, ri school ro mõttan, ak ro jet ejelã kajjiir rar kwalok ke air itoklimo?

Katakin Ir ñan Kwalok kin Tõmak ko Air

◼ Ñe komij konono kin point ko rekkar ilo katak eo, kajitõk ibben ri katak eo, “Ewi wãwen kwonaj kar kajerbal Bible eo ñan am kamelele kin mol in ñan family eo am?”

◼ Jibañ ri katak eo ñan melele kin aikwij eo ñan an kwalok kautiej im joij ñe ej konono ibben ro jet kin Anij im karõk ko an.

◼ Ri katak ro remaroñ kajerbal brochure eo Jehovah’s Witnesses​—Who Are They? What Do They Believe? (Ri Kennan ro an Jehovah​—Wõn Ir? Ta eo Rej Tõmak?) ñan jibañ ro jerair im ro uan family ko air ñan melele kin tõmak im makitkit ko ad me rej wawa ion Bible.

Part 10: Kamineneik Ri Katak Ro ñan Kwalok Nan Jen Em-ñan-Em

Ñe elder ro rej bebe bwe juõn ri katak Bible ej tellokin ñan an erom juõn ri kwalok nan ejañin baptais, emaroñ jino an bõk kunan ilo jerbal in ilobwilij ibben congregation eo.​—km 6/05 p. 1.

Kebojak Ibben Don

◼ Kwalok ñan ri katak eo ia eo emaroñ lo ennan ko rej rejañ kaki.

◼ Jibañ e ñan kãlet juõn ennan elamwan im ekeie ñan territory eo ilo bukwon eo.

◼ Rejañ e ñan an kajerbal Bible eo ilo jerbal in kwalok nan.

◼ Kamelmel ibben don. Kwalok ñan e kilen an emmakit ilo joij ñan uak ko me ekkã an walok ilo territory eo.

Kwalok Nan Ibben Don

◼ Kõtlok bwe en lale am kwalok ennan eo me komro jimor ar keboje.

◼ Lemnak kin kadkad ko kadkadin im maroñ ko an ri katak eo. Jet ien, emaroñ emõn bwe ri kwalok eo ekãl en wõr jidik kunan ilo ennan eo.

◼ Jibañ juõn ri kwalok ekãl ñan karõk juõn schedule bwe en keini an bõk kunan ilo jerbal in kwalok nan.

Part 11: Jibañ Ri Katak Ro ñan Kõmman Bar Jeblak ko

Kebojak ñan kõmman juõn bar jeblak ej ijjino ilo ien lolok eo mokta. Rejañ ri katak eo ñan an kwalok itoklimo eo emol kin ro ej konono ibbeir. Jidik kin jidik katakin e kilen kõmman bwe armij ro ren kwalok lemnak ko air, ñan an roñjake uak ko air, im ñan an jelã ta ko rej inebata kaki.​—km 7/05 p. 1.

Kebojak ñan Bar Jeblak

◼ Etale ien lolok eo moktata, im kwalok ñan ri katak eo kin ewi wãwen emaroñ kãlet juõn ennan in Ailiñ eo me enaj kaitoklimoen ri mweo.

◼ Keboj juõn ennan ekadu eo ej kwalok kin juõn eon jen Bible eo im juõn paragraph ilo book in katak eo.

◼ Keboj juõn kajitõk eo me emaroñ bõkmantak ilo jemlokin bwebwenato eo.

Tiljek in Bar Jeblak

◼ Rejañ ri katak eo ñan an mõkaj in jeblak ibben aolep ro rar kwalok air itoklimo.

◼ Jibañ ri kwalok eo ñan an lo aikwij eo ñan an kate ñan jibadõk ro ebin an lo ir.

◼ Katakin ri katak eo kilen kõmman karõk ko ñan bar jeblak, im jibañ e ñan melele kin aikwij eo ñan bar jeblak einwõt an kar kallimur.

Part 12: Jibañ Ri Katak Ro ñan Jino im Kõmman Bible Study ko

Eaorõk ñan am kajeoñe Jesus ilo am kõmman juõn joñok emõn ilo jerbal in kwalok nan eo am. Ñe ri katak eo ej lo joñok eo am ilo jerbal in kwalok nan, enaj melele bwe mejenkajjik eo ñan bar jeblak ej ñan jino Bible study ko.​—km 8/05 p. 1.

Tilmake juõn Bible Study

◼ Kameleleik ri katak eo bwe ejjab juõn men in aikwij ñan kamelele ilo tibdikdik kin karõk in katak eo.

◼ Men eo ekkã an emõn ej ilo am kwalok kilen ilo am kajerbal juõn ak ruo paragraph jen book eo.

◼ Elij im kamelmel kin juõn ian ennan ko rej rejañ kaki ñan jino Bible study ko.​—km 8/05 p. 8; km 1/02 p. 6.

Katakin Ri Kwalok Ro Bwe Ren Ri Katakin Ro

◼ Rejañ ri katak ro ñan air kadeloñ etair ilo Theocratic Ministry School eo.

◼ Karõk bwe ri kwalok ro rekãl ren etal ibbam ñan Bible study ko jet ijo remaroñ bõk jidik kunair ñan katakin.