Jen Lukkun Pojõk ñõn Katakin
1. Ñe jej katakin juõn kin Baibel eo, etke emõn bwe jen kalaplok an kamolol kake?
1 Ñe jej katakin juõn kin Baibel eo, jej aikwij lukkun kapojõk elañe jekõnan kamõkit e bwe en korijer ñõn Jeova. Jej aikwij kalek yokwe eo an kin mol eo jen Baibel eo. Men in enaj kamõkit dri katak eo. (Dut. 6:5; Ken. 4:23; 1 Kor. 9:26) Ewi wãwen jemaroñ kõmõne men in?
2. Ewi aurõkin jar ilo ien ar kapojõk?
2 Jar ilo Ien Kapojõk: Kinke Jeova eo ej kadreklok ine in mol eo ilo buruen dri katak eo, ekkar bwe jen jino ar kapoje katak eo ilo ar jar kin dri katak eo im aikwij ko an. (1 Kor. 3:6; Jem. 1:5) Jar rot in ebar maroñ jibõñ kij kile wãwen ko jet ñõn kobrõk buruen kin “jela” ankilan Jeova.—Kol. 1:9, 10.
3. En ewi wãwen ar kapojõk kin dri katak eo?
3 Lemnok kin Dri Katak Eo: Jisõs ear jela bwe ñõn katakin armij ilo jime jej aikwij lemnok kin ro rej roñjake. Kar or ruõ ien ko, Jisõs ear bõk ejja kajitõk eo: “Ta men eo I naj kõmõne bwe in bõk aõ jolit mour in drio?” Kilen an uak ilo ien kein rar jab joñõn wõt juõn. (Luk 10:25-28; 18:18-20) Emõn lemnok kin dri katak eo ilo ar kapojõk. Ewi ian eon ko rej walok jenaj riiti iben? Ewi joñõn katak eo jenaj etale? Ta katak ko emaroñ bin an melele ak tõmak kaki? Elañe jej pojõk kin jet kajitõk ko me emaroñ kwaloki, enaj emõnlok ar uaki.
4. Kapojõk ilo juõn wãwen emõn ej kitibuj ta?
4 Eliji Katak Eo: Meñe jar mõke katak ilo buk in elõñ alen, enaj ien eo moktata ñõn dri katak eo jej katak iben. Ñõn tõbar buruen, jenaj aikwij niknik ilo ar kapojõk kin katak ko kajjojo. Melelen jenaj mõke jerbale men eo jej rejañ dri katak eo kake. Eliji katak eo, kab eon ko rej walok, lemnok kin dri katak eo im kakõleiki melele ko relap.—Rom. 2:21, 22.
5. Ewi wãwen jemaroñ kajeoñwe Jeova?
5 Elap an Jeova kea kin kajjojo dri katak Baibel im air wõnmanlok. (2 Pit. 3:9) Ilo ar kapojõk kin kajjojo ien jej katak ibeir, jej kwalok ejja yokwe im iñjake in wõt.