Juõn Ran Ejej Uan ñõn Ijjino Baibel Study Ko
1 Jino jen Jãnwõde, kajuju congregation renaj kajenolok juõn ran ilo aolep aliñ, emaroñ ilo wik eo mokta, ñõn ijjino Baibel Study ko. Emaroñ juõn Jãdede ak Jabõt, ekkar ñõn ta eo emõn ñõn kajuju jikin. Ilo ran eo, elañe dri mweo ejjab kõnan, dri kwalok ro remaroñ lelok wõt buk eo Jen Kõmmõne ak magazine ko rekãl. En lap kwonan aolep elder ro im ministerial servant ro ilo jerbal in im ren jibõñ dri kwalok ro ñõn ijjino Baibel Study ko.
2 Congregation Service Committee eo enaj bebe kin ran ta eo naj kajenoloke ñõn ijjino Baibel Study ko. Jen ien ñõn ien naj kakememej dri kwalok ro bwe ren kapojõk im kate ir ñõn ijjino Baibel Study ko ilo ien rej jerbal jen em ñõn em im ñe rej lolok ro im rar kwalok air itoklimo.
3 Wãwen Kapojõk: Ilo Ar Jerbal Ñõn Ailiñ Eo an Jeptõmba 2007 im ilo peij 6 jenaj maroñ lo nan in kakabilek ko kin kilen ijjino kõmõn Baibel Study ko ilo ar kajerbal buk eo Jen Kõmmõne. Ñõn kwalok karõk eo ñõn katak Baibel, jet remaroñ kãlet ñõn kajerbal juõn tract einwõt in, Kwokõnan ke Jela Mol Eo? Jemaroñ bareinwõt jino kõmõn juõn Baibel study ñe jej lolok ro rar bõk magazine ko. Naj karõke bwe elder ro im ministerial servant ro ren tel kwelok in kwalok nan ilo tu karu, 10 ñõn 15 minit, im naj kwalok ak bwebwenato kake kin juõn ak ruo joñok ko rekeie ñõn jino kõmõn Baibel study ko.
4 Ilo mol, ejjab aolep renaj mõnõnõ in katak Baibel im wõnmanlok wõt ilo air katak iomin juõn ien eaitok. Men in en jab kõmõn bwe jen jenliklik, kinke Jeova eo ej kadruaklok ro einwõt s̃ip ñõn rolul eo an. (Jon 6:44) Ej ar erro bwe jen jab baj jeor wõt ine in mol eo ak bareinwõt ñõn kamorur ine ko emwij air jino edrek im men in ej bareinwõt kitibuj ar katak Baibel iben ro emõn burueir. Ilo ar kõmõne men in, jej jerbale jerammõn in einwõt dri jerbal ro iben Anij.—1 Kor. 3:9.