Kwalok Nan Ej Drebij Ber eo Ar Iben Anij bwe En Kajur Wõt
1. Ta tokjen ko jej bõki ilo jerbal in kwalok nan?
1 Ar niknik ilo jerbal in kwalok nan emaroñ kakajurlok ber eo ar iben Anij im kalaplok ar mõnõnõ. Alikar, un eo elaptata ar kwalok nan ej ñõn kabuñburuen Jeova. Bõtab, ilo ar bokake nan in jiroñ in ñõn “kwalok nan,” jemaroñ bõk jerammõn ko jen Jeova im bareinwõt bõk tokjen ñõn kij mõke ilo wãwen ko jet. (2 Tim. 4:2; Ais. 48:17, 18) Ewi wãwen jerbal in kwalok nan emaroñ kakajur im kamõnõnõik kij?
2. Ilo wãwen it ko jerbal in kwalok nan ej menin kakajur kij?
2 Jej Bõk Kajur im Jerammõn: Jerbal in kwalok nan ej rejañ kij ñõn reimanlok ñõn jerammõn ko an Ailiñ eo jen ar inebata wõt kin abañ ko kiõ. (2 Kor. 4:18) Ar kemelele kin katak ko ilo Baibel eo ej kakajurlok tõmak eo ar ilo kalimur ko an Jeova im ej kalaplok ar kamolol kin mol eo. (Ais. 65:13, 14) Ilo ar jibõñ ro jet ñõn kadreklok kõtan eo air iben Jeova bwe ren jab “ilo wãwen dri lõl in,” jej kabin bebe eo ar bwe jen jab mõtõn lõl.—Jon 17:14, 16; Rom. 12:2.
3. Ewi wãwen ar jerbal in kwalok nan ej kadreklok karkarin Kristian iber?
3 Ar kwalok nan ej jibõñ kij ñõn kalek karkarin Kristian. Ñõn wanjoñok, ar kate bwe jen “men otemjej ñõn armij otemjej” ej menin kalaplok ar etã buru. (1 Kor. 9:19-23) Ilo ar kennan iben ro “rej barõk, im jibliklik einwõt s̃ip ko ejelok air s̃eperd,” enaj menin katakin kij bwe jen jela iñjake ko an ro jet im kwalok tiriamo. (Mat. 9:36) Meñe ejelok air itoklimo im rej jumae, jej katak kijenmij ilo ar jab õbwer. Ar mõnõnõ in jibõñ ro jet ej menin kalaplok ar lõñliñ.—Jerb. 20:35.
4. Ewi iñjake eo am kin jerbal in kwalok nan eo am?
4 Jerammõn laplap ñõn bõk juõn jerbal in kwalok nan me ej lelok nebar ñõn Eo im E wõt ej tellokin ar kabuñ ñõn E! Jerbal in kwalok nan ej kakajur kij. E buñleplep jerammõn ko ñõn ro rej kamaat air maroñ ‘bwe en let air kennan kin nuuj eo emõn.’—Jerb. 20:24.