“Lel̦o̦k Imõniaroñroñ ko jãn Allõñ ak Iiõ ko L̦o̦k ak Jabdewõt Brochure me Renaaj Kaitoklimoen Armej Ro”

Ium̦win allõñ ko me jej kajjitõk ippãn armej ro ñe rekõn̦aan katak Baibõl̦, el̦aññe rejjab kõn̦aan, eokwe kar rõjañ kõj ñan “lel̦o̦k Imõniaroñroñ ko jãn allõñ ak iiõ ko l̦o̦k ak jabdewõt brochure me renaaj kaitoklimoen armej ro.” Etke?

Brochure ko im Imõniaroñroñ ko jãn allõñ im iiõ ko l̦o̦k rej kwal̦o̦k elõñ katak ko rejejjet im ekkar ñan aikuj ko an armej ro. Naan ko ilo juon iaan bok kein remaroñ tõpar bũruon ri m̦weo. Kõn men in, ñe kwõj kanne eb in kwal̦o̦k naan eo am̦ kõn bok ko, kwõmaroñ bar ãti brochure im Imõniaroñroñ kein. El̦aññe ejjel̦o̦k bok kein ippam̦, kwõmaroñ ebbõk ilo jikin bok eo ilo Im̦õn Kweilo̦k eo. Innem, el̦aññe ri m̦weo ejjab kõn̦aan katak, kwõmaroñ kwal̦o̦k jet iaan Imõniaroñroñ ak brochure kein im kajjitõk ippãn bwe en bõke bok eo ej itoklimo kake. Innem, kwõmaroñ karõk ippãn ñan bar jepl̦aak im lale ñe ewõr an kajjitõk. Bõlen ñe kwõj jepl̦aak, armej eo enaaj kiiõ itoklimo in katak.