Kwõj Aikuj Ke Bõjrak?

Ej juon m̦anit ippãn jet ri kwal̦o̦k naan ñan bõjrak aer kwal̦o̦k naan ilo jet awa, bõlen ilo 12 awa. Ñan jet, bõlen ej menin aikuj ñan aer bõjrak ilo awa eo me em̦õj aer karõke. Ak ñan baj kwe, kwõj ke bar kam̦õj am̦ kwal̦o̦k naan kõnke ri kwal̦o̦k naan ro jet rej bõjrak? Ak bõlen kwõj bõjrak kõnke ej juon imminene ippãn ro jet ñan bõjrak ilo awa eo? Kwõmaroñ ke kaitokl̦o̦k jidik iien am̦ kwal̦o̦k naan, bõlen ilo am̦ kwal̦o̦k naan ijoko jet ãinwõt itõrerein ial̦ ko? Ilo iien eo kwõj ro̦o̦l, kwõmaroñ ke jepl̦aak ippãn armej ro ilo ial̦ eo am̦ l̦o̦k ñan m̦weo im̦õm? Ñe kwõnaaj kõm̦m̦ane men kein, enaaj l̦ap tõprak ko kwõnaaj loi! Bõlen kwõnaaj loe juon eo me ej kwal̦o̦k an itoklimo ak enaaj lõñl̦o̦k bok ko kwõj lil̦o̦k ñan armej ro kwõj iioon er. El̦aññe ejjab menin aikuj ñan ad bõjrak, jemaroñ kaitokl̦o̦k jidik iien ad kwal̦o̦k naan. Men in ej juon wãween jej kal̦apl̦o̦k ad “nõbar” Anij.​​—Hi. 13:​15, UBS.