Juon Iien Eaorõk ñan Leto Letak Naan in Keeañ ilo Jeptõm̦ba

Aolep armej ro ilo lal̦ in rej aikuj naanin kaenõm̦m̦an. (Ekl 4:1) Ilo naaj allõñin Jeptõm̦ba, jenaaj kate kõj ñan leto letak Naan in Keeañ eo, me enaaj kwal̦o̦k kõn kaenõm̦m̦an. Jen leto letak bok in ñan aolep armej. Bõtab kõnke kõttõpar eo ad ej ñan kõnono ippãn armej ro kõn Naan in Keeañ in bwe jen maroñ kaenõm̦m̦an er, jeban likũti ilo m̦õko ejjel̦o̦k armej ie.

MEN KO JEMAROÑ BA

“Kõj aolep jej aikuj naanin kaenõm̦m̦an jãn iien ñan iien. Ak ia eo jemaroñ bõk naanin kaenõm̦m̦an jãne? [Riit 2 Korint 1:3, 4.] Naan in Keeañ in ej kwal̦o̦k ewi wãween an Anij letok naanin kaenõm̦m̦an ñan kõj.”

El̦aññe armej eo ej itoklimo in roñjake im em̦õn̦õn̦õ in bõk Naan in Keeañ eo, . . .

KAALWÕJE KÕN PIJA EO, ETKE KWÕJ AIKUJ KATAK BAIBÕL̦?

Innem kajjitõk ñe ekõn̦aan katak Baibõl̦.

LIKŨT JUON KAJJITÕK AK BOK ÑAN AM̦ BAR JEPL̦AAK

Kwõmaroñ likũt juon kajjitõk ippãn bwe kwõn kab bar jepl̦aak im uwaake, ãinwõt kajjitõk in, “Etke Anij ej kõtl̦o̦k bwe jen eñtaan im bũrom̦õj?”