KATAK KO RAORÕK JÃN NAANIN ANIJ | TAITÕS 1–PAILIMÕN
“Kããlõt Ro Remaroñ Bõk Jerbalin Lale Eklejia”
Kar kõmaroñ Taitõs ñan “kããlõt ilo kajjojo bukwõn ro remaroñ bõk jerbalin lale eklejia.” Rainin jej bar l̦oore waanjoñak in jãn Baibõl̦ ilo an em̦m̦aan ro rej lol̦o̦k eklejia ko kããlõt ro remaroñ bõk eddo ko ilo eklejia eo.
KUMI EO EJ LALE AOLEP EKLEJIA KO AN RI-KÕNNAAN RO AN JEOVA
Ãinwõt ilo iien ko an rijjilõk ro, Kumi eo Ej Lale Aolep Eklejia ko an Ri-Kõnnaan ro an Jeova ej lel̦o̦k eddo eo ñan em̦m̦aan ro rej lol̦o̦k eklejia ko ñan kããlõt ak jitõñ em̦m̦aan ro rej lale eklejia im rijjipañ ro.
EM̦M̦AAN RO REJ LOL̦O̦K EKLEJIA KO
Kajjojo em̦m̦aan ro rej lol̦o̦k eklejia ko rej aikuj lukkuun jar im etale rein me em̦m̦aan ro rej lale eklejia rar kwal̦o̦k bwe remaroñ bõk eddo ko, innem kããlõt em̦m̦aan ro rekkar.
EM̦M̦AAN RO REJ LALE EKLEJIA
Meñe em̦õj kããlõt em̦m̦aan ro ñan lale eklejia eo, ak rej aikuj wõnm̦aanl̦o̦k wõt im jerbali aolep men ko Baibõl̦ eo ej ba juon ej aikuj kõm̦m̦ani ñan bõk eddo in.