Kilen Bwe En Em̦m̦anl̦o̦k Wõt Ad Kwal̦o̦k Naan​—Jel̦ã Ukoktak

UNIN AN AORÕK KÕL IN: Rũkkapit ro im jiip ro jet rej kũr armej otemjej ñan “bõk dãnnin mour ejjel̦o̦k on̦ããn.” (Rev 22:17) Dãn in ilo kõkkar ej jutak kõn aolep kein jipañ ko Jeova ej litok ñan lo̦mo̦o̦ren armej ro rej pokake, jãn jerawiwi im mej. Innem, ñan jipañ armej ro eoktak m̦anit im tõmak ko aer, jej aikuj kwal̦o̦k “ennaan eo em̦m̦an” ilo juon wãween me enaaj kãitoklimoik er kajjojo.​—Rev 14:6.

KILEN AM̦ KÕM̦M̦ANE:

• Kããlõt juon men kwõnaaj kõnono kake im juon eoon me enaaj tõpar bũruon armej ro ilo teretore eo am̦. Kwõmaroñ kããlõt juon iaan waanjoñak ko kõn kilen bwebwenato ippãn armej ak kõjerbal juon men ak juon wãween me kwaar lo tõprak ie. Ta ko rem̦õn̦õn̦õ in kõnono kaki im eoon ta ko me rem̦m̦an ippãer? Ewõr ke nuuj ko rekããl armej ro rej l̦õmn̦ak ak kõnono kaki? Ta eo enaaj kãitoklimoik juon em̦m̦aan ak juon kõrã?

• Ilo am̦ kõnono ippãn armej ro, kwõmaroñ yokyokwe im kwal̦o̦k wãween ko me ekkã an armej ro kwal̦o̦ki ekkar ñan m̦anit eo an jikin eo kwõj pãd ie.​—2Ko 6:3, 4

• Jel̦ã kilen kõjerbal bok ko im pija ko ilo Nien Kein Jerbal eo Ad ñan Katakin ilo am̦ kwal̦o̦k naan ippãn juon eo ej kwal̦o̦k an itoklimo

• Taunl̦outi bok ko im pija ko ñan kajin ko an armej ro kwõmaroñ iioon er ilo teretore eo am̦

• Ukote men eo kwõn kar tõn kõnono kake ñan aikuj ko an ri-m̦weo. (1Ko 9:19-23) Ñan waanjoñak, ta eo kwõnaaj kar ba ñe kwõj kab jel̦ã bwe ej kab mejl̦o̦k juon eo ejitõnbõro ippãn armej eo?

ALWÕJE PIJA EO, INNEM UWAAKI KAJJITÕK KEIN:

• Ta eo ri-kwal̦o̦k naan eo ear jino kõnono kake ippãn ri-m̦weo?

• Ta eo ear wal̦o̦k ñan mour eo an ri-m̦weo?

• Eoon ta eo ear ekkar ñan iien in, im etke?

• Ewi wãween am̦ kakõm̦anm̦anl̦o̦k naanin ijjino ko am̦ ñan kãitoklimoik armej ro ilo teretore eo am̦?