Jouj

Men eo Jesus Ear Kõm̦m̦ane

PIJAIN ALWÕJ: Jesus Heals a Blind Man

1. Alwõje PIJAIN ALWÕJ EO, ak riiti Jon 9:​1-7. Innem etale kajjitõk kein:

1. Ta men eo m̦oktata Jesus ear kõm̦m̦ane—kõmour em̦m̦aan eo epilo ke ak kwal̦o̦k ennaan eo em̦m̦an ñane?—Lale Jon 9:​35-38.

2. Etke wãween an kar Jesus kõm̦m̦an ñan em̦m̦aan eo emaroñ kar kõm̦m̦an bwe en l̦apl̦o̦k an m̦õn̦õn̦õ in roñjake ennaan eo em̦m̦an?

Ta eo Jej Katak jãn Jesus?

2. Enaaj pidodol̦o̦k an juon armej roñjake ennaan eo jej kwal̦o̦ke el̦aññe ej eñjake ad kea kake e.

Anõke Jesus

3. Kajjioñ mel̦el̦e kõn eñjake ko an armej eo.

1. Kajjitõk ippam̦ make: ‘Ta ko armej in emaroñ inepata kaki? Ta men ko emaroñ jipañe im emaroñ itoklimo kake?’ Ñe kwõj kõl̦mãnl̦o̦kjen̦ kõn kajjitõk rot kein, men in enaaj jipañ eok ñan kwal̦o̦k jouj ilo juon wãween ej lukkuun itok jãn bũruom̦.

2. Kwal̦o̦k am̦ kea kake armej eo im men ko ej kaorõki ikijjeen am̦ lukkuun roñjake e. El̦aññe ej kwal̦o̦k ñan kwe eñjake ko an kõn juon men ak ej kwal̦o̦k kõn juon apañ ej iioone, jab ukote men eo ej kõnnaan kake.

4. Kõnono ilo jouj im kautiej. Ñe kwõj lukkuun tũriam̦okake armej eo im kõn̦aan jipañe, enaaj alikkar ilo wãween am̦ kõnono. Lukkuun l̦õmn̦ak kõn men ko kwõnaaj ba im wãween am̦ naaj ba, im kõjparok jãn am̦ ba naan ko me remaroñ kainepataik armej eo.

5. Pojakin jipañ. Pukot wãween ko repel̦l̦o̦k ñan am̦ maroñ jipañ armej eo. Ñe jej kwal̦o̦k jouj ñan armej eo, men in emaroñ kõpel̦l̦o̦k juon ial̦ ñan ad maroñ bwebwenato ippãn.