Ipojak Ke?
Ipojak Ke ñan Kwal̦o̦k Naan Ippãn Eklejia Eo?
Kwõmaroñ pojak in erom juon ri-kwal̦o̦k naan ejjañin peptaij el̦aññe kwõj . . .
Ekkeini am̦ katak Baibõl̦ eo, jar, im pãd ilo iien kweilo̦k.
Kaorõk im tõmak men ko kwõj katak kaki im kõn̦aan kwal̦o̦k ñan ro jet kaki.
Yokwe Jeova im kããlõt ro jeram̦ me rej yokwe e.
Jol̦o̦k am̦ uwaan jabdewõt doulul an kien ak kabuñ eriab.
Mour ekkar ñan kien ko an Jeova im kõn̦aan erom juon iaan Ri-Kõnnaan ro an Jeova.
El̦aññe kwõj l̦õmn̦ak bwe kwõpojak in kwal̦o̦k naan ippãn eklejia eo, eo ej katak Baibõl̦ ippam̦ emaroñ kõm̦m̦an karõk bwe kwõn jijet ippãn em̦m̦aan ro rej lale eklejia ñan lale el̦aññe kwõmaroñ erom juon ri-kwal̦o̦k naan me ejjañin peptaij.
Ipojak Ke in Peptaij?
Kwõmaroñ pojak in peptaij el̦aññe kwõj . . .
Juon ri-kwal̦o̦k naan ejjañin peptaij.
Ekkeini am̦ bõk kun̦aam̦ ilo jerbalin kwal̦o̦k naan joñan wõt am̦ maroñ.
Rejetake im l̦oore naanin tõl ko an “ri-karejar eo etiljek im mãlõtlõt.”—Matu 24:45-47.
Juon eo em̦õj an ajel̦o̦k mour eo an ñan Jeova ilo jar im kõn̦aan karejar ñane ñan indeeo.
El̦aññe kwõj l̦õmn̦ak bwe kwõpojak in peptaij, eo ej katak Baibõl̦ ippam̦ emaroñ kõm̦m̦an karõk bwe kwõn jijet ippãn em̦m̦aan ro rej lale eklejia ñan lale el̦aññe kwõmaroñ peptaij.