KATAK 48
Kããlõt Ro M̦õttam̦ ilo Mãlõtlõt
Ro m̦õttad me jepaake er rej kam̦õn̦õn̦õik kõj ilo iien ko rem̦m̦an, im rej kõkajoor kõj ilo iien ko reppen. Bõtab Baibõl̦ eo ej kakkõl kõj bwe ejjab aolep armej em̦m̦an ñan m̦õttãik er. Innem ewi wãween kwõmaroñ kããlõt ro m̦õttam̦ rem̦m̦an? Jouj im lale kajjitõk kein.
1. Ewi wãween an ro kwõj kããlõt ñan am̦ m̦õttãik er naaj jelõt eok?
Eitok wõt bwe jen anõke m̦antin armej ro jej jol̦o̦k iien ippãer. Men in emaroñ juon men em̦m̦an ak juon men enana. Em̦ool bwe ro m̦õttad remaroñ jelõt kõj jekdo̦o̦n ñe jej pãd iturier ak ilo social media. Baibõl̦ eo ej ba, “Kwõn etetal ippãn ro ri mãlõtlõt innem kwõnaaj mãlõtlõt; a eo ej kõm̦m̦ao ippãn ro ri bwebwe, enaaj jorrããn kake.” (Jabõn Kõnnaan 13:20) Ro m̦õttam̦ me rej yokwe im kabuñ ñan Jeova remaroñ jipañ eok ñan pãd epaake wõt e im kõm̦m̦ane pepe ko rem̦m̦an. Bõtab ro m̦õttam̦ me kwepaake er im rejjab yokwe Jeova, remaroñ kõm̦m̦an bwe jidik kõn jidik kwõn ettol̦o̦k jãn E. Eñin unin Baibõl̦ eo ej rõjañ kõj ñan kããlõt ro m̦õttad ilo mãlõtlõt! Ñe ro m̦õttad rej yokwe Anij, enaaj wõr tokjãn ñan kõj im bareinwõt ñan er. Jenaaj maroñ “wõnm̦aanl̦o̦k wõt im kõkajoor doon im kõketak doon.”—1 Tessalonika 5:11.
2. Ewi wãween an jokãlõt eo am̦ kõn ro kwõj m̦õttãik er naaj jelõt Jeova?
Jeova ej lukkuun lale wõn ro ej kããlõt ñan an m̦õttãik er. “Ej jerãik eo ri-wãnõk.” (Jabõn Kõnnaan 3:32) Enaaj ewi wãween an Jeova eñjake ñe jej kããlõt ñan m̦õttãik ro rejjab yokwe E? Enaaj lukkuun bũrom̦õj! (Riit Jemes 4:4.) Ijoke, Jeova enaaj m̦õn̦õn̦õ ippãd im kããlõt ñan m̦õttãik kõj el̦aññe jej kõjparok jãn ad aetõl ro renana im ilo ad ruwaakl̦o̦k ñan e im ñan ro rej yokwe e.—Sam 15:1-4.
KAM̦WILAL̦L̦O̦K AM̦ MEL̦EL̦E
Katak im lale etke jokãlõt eo ad kõn ro m̦õttad elukkuun aorõk, im lale ewi wãween kwõmaroñ ejaake jem̦jerã ko me renaaj kõm̦m̦an bwe mour eo am̦ en lem̦õn̦õn̦õ.
3. Kõjparok jãn ad aetõl ro renana
Armej ro me rejjab yokwe Anij im kien ko an ejjab em̦m̦an ñan aetõl er. Kõjo̦e PIJAIN ALWÕJ eo, innem bwebwenato kake kajjitõk in:
Ilo ad jab jel̦ã kake, ewi wãween jemaroñ jino kõm̦m̦ao ak aetõl armej ro me ejjab em̦m̦an ñan aetõl er?
Riit 1 Korint 15:33, innem bwebwenato kake kajjitõk kein:
Kain armej rot eo me emaroñ nana ñan am̦ aetõl im kõm̦m̦ao ippãn? Etke kwõj ba men in?
Riit Sam 119:63, UBS innem bwebwenato kake kajjitõk in:
Ta ko kwõj aikuj kappukoti ippãn juon eo kokõn̦aan m̦õttãiki?
Juon abõl̦ ekõt emaroñ ko̦kkure abõl̦ ko jet. Ewi wãween an juon wõt armej me ejjab em̦m̦an ñan m̦õttãiki maroñ jelõt eok?
4. Armej ro reoktak jãn kõj remaroñ erom ro m̦õttad rem̦m̦an
Baibõl̦ eo ej kwal̦o̦k kõn Devid im Jonetan, ruo em̦m̦aan jãn Israel eo etto. Ear lukkuun oktak iiõ ko aerro jãn doon, im wãween ko rar iiooni ilo mour ko aerro, bõtab ear kanooj in em̦m̦an jem̦jerã eo aerro. Riit 1 Samuel 18:1, innem bwebwenato kake kajjitõk in:
Ewi wãween an eoon in kaalikkar bwe ro m̦õttad rejjab aikuj joñan wõt kõj im emaroñ oktak wãween ad kar dik im rũttol̦o̦k jãn doon?
Riit Rom 1:11, 12, innem bwebwenato kake kajjitõk in:
Ewi wãween an ro rej m̦õttãik doon im rej yokwe Jeova maroñ kõkajoor doon?
Ilo pijain alwõj eo, lale ewi wãween an juon jeid im jatid likao lo ro m̦õttan ilo juon wãween ear jab kõtmãne kake. Kõjo̦e PIJAIN ALWÕJ eo, innem bwebwenato kake kajjitõk kein:
Ilo pijain alwõj eo, etke jemãn im jinen Akil rar inepata kõn ro m̦õttan ilo jikin jikuul̦?
Ilo jinoin, ta ko rar kõm̦m̦an an Akil l̦õmn̦ak bwe em̦m̦an ñan an jem̦jerãik rein ilo jikuul̦?
Ta eo ear jipañ Akil ñan an anjo̦ ioon eñjake eo bwe ej make iaan?
5. Wãween am̦ maroñ ejaake jem̦jerã ko rem̦m̦an
Katak kilen am̦ kappukot im ejaake jem̦jerã ko rem̦m̦an im wãween am̦ maroñ juon jeran em̦m̦an ñan ro jet. Kõjo̦e PIJAIN ALWÕJ eo.
Riit Jabõn Kõnnaan 17:17 im 27:17, innem bwebwenato kake kajjitõk kein:
Ewi wãween an ro em̦ool aer jerãik doon jipañ doon?
Ewõr ke ro rej m̦ool in m̦õttam̦? El̦aññe ejjel̦o̦k, ewi wãween kwõmaroñ ejaake kain jem̦jerã rot kein?
Riit Pilippai 2:4, innem bwebwenato kake kajjitõk in:
Bwe en wõr ro m̦õttam̦ rem̦ool im rem̦m̦an, kwõj aikuj bar juon jeran eo em̦ool im em̦m̦an ñan ro jet. Ewi wãween am̦ maroñ kõm̦m̦ane men in?
Bwe en wõr ro m̦õttam rem̦ool im rem̦m̦an, kwõj aikuj bar juon jeran eo em̦ool im em̦m̦an ñan ro jet
JET ARMEJ REJ BA: “Em̦m̦anl̦o̦k m̦õttãik jabdewõt armej jãn ñe ejjel̦o̦k m̦õttam̦.”
Ta eo kwõnaaj kar ba?
TARLEP IN KATAK EO ILO TUKADU
Ñe jej kããlõt ro m̦õttad ilo mãlõtlõt, jej kabuñbũruon Jeova im lo el̦ap tokjãn ñan kõj make.
Ãlij
Etke eaorõk ippãn Jeova ro jej kããlõt ñan m̦õttãik er?
Kain jem̦jerã rot ko jej aikuj kõjparok kõj jãni?
Ewi wãween kwõmaroñ ejaake jem̦jerã ko rekajoor ippãn armej ro Anij ej watõk er rem̦m̦an?
KAL̦APL̦O̦K AM̦ MEL̦EL̦E
Lale ewi wãween an ro jerad me rem̦ool maroñ jipañ kõj ilo iien ko reppen.
Lale buñtõn ne ko kwõmaroñ kõm̦m̦ani bwe kwõn maroñ ejaake jem̦jerã ko rem̦m̦an.
“How Can I Make Good Friends?” (Questions Young People Ask—Answers That Work, Volume 1, chapter 8)
Ta eo kwõj aikuj jel̦ã kõn am̦ m̦õttãik ro jet ilo online?
Ilo bwebwenato eo etan, “I Yearned for a Father,” lale ta eo ear kõm̦m̦an bwe juon em̦m̦aan en bar etale jokãlõt ko an kõn ro m̦õttan.