Ghuwa munye tuna wananga pakukongana pofotji?

Atwe kuyenda kumakongano ngambinga kenge tuna karanga nomaruyendo ghomare, endi mvura. Atwe kukuwanekedha nomaghukukutu ndi kughaya kuyirughana, ene pashanye Hashupi waJehova hakutura mo kuyenda kumakongano ha kare pofotji nohatawi hayendhagho?

Kutanaritha makukwatathano ghetu naJehova. Paghulusi kwa tjangire eshi ‘tu kutjokedhe’ pofotji nogha tuna karanga nagho kumakongano. (Haheburayi 10:​24) Mañando gho kuneghedha eshi twa kona kukudimuka nohatawi hayendhetu, ndani tu kare nothinga kohayendhetu. Ngeshi tu kudimuke nohatawi hayendhetu, atwe kunongonona hamweya wa hapita mumaghukukutu gha twa pita natwe. Ndani atwe kukona tu haghamwene.

Kutanaritha makukwatathano ghetu nohatawi hayendhetu. Hatawi hayendhetu wa tuna kongananga nagho, hayendhetu hopathingo. Pamaruvedhe ghamweya, atwe kukara pofotji ngeshi kuna kukuhafitha. Maghuwa munye tuna wananga ghopa tuna karanga pofotji nohatawi hayendhetu? Atwe kudimuka yikara yagho yoyiwa ndani kutanaritha makukwatathano ghetu. Ghopa hana kuwanekedhanga nomaghukukutu atwe kuwa ghamwena. (Yisewe 17:​17) Ngeshi tu kudimuke nohatawi hayendhetu wahe homumbunga, kuneghedha eshi atwe ‘kukupakera thinga’.​—⁠1 Hakorinte 12:​25, 26.

Kuna kukutjokedha ghu torore hayendha awa hana tendanga mahimeno ghaNyambi. Hayendha hokengeyo kuwa wana mwaWashupi waJehova. Wa tawedhera kehe yi yishayekithe po kutura po makukwatathano netu.

•  Ghuwa munye shotu wanenenemo ngeshi hatu kongana pofotji?

•  Diyuwa munye ghuna shana wa kwiye kumakongano?