THIHONGA 25
Ngepi ndani pashanye homberanga Yikota yoghuFumu?
Bolivia
Thikota thoghuFumu pakare muNigeria ndani pashadyarero
Tahiti
Dina Thikota thoghuFumu, kutongora eshi dyango dyo makuhongo ghoBayibili kuhatera ghuFumu waNyambi oghu nga yuvithanga Jesusi.—Lukasi 8:1.
Yikota yoghuFumu mango ghoghukareri ghoshemwa. Hashupi waJehova kukongana muYikota yoghuFumu kughutho hayende muyirughana yokuyuvitha. (Mateghusi 24:14) Yikota yoghuFumu yakuthigha yimweya yimbiru ndani yimweya yikuru ndani pamaruvedhe ghamweya kukongana mo mambungakriste ghokukuthigha-thigha. Mukukura komambunga, kehe mumwaka atwe kumba Yikota yoghuFumu yoyipya yokukuma pamayovi dikumi (Yikota yikwoko kehe diyuwa). Ngepi yina tu tombokanga yino?—Mateghusi 19:26.
Yikota yoghuFumu kwa yighumbithanga masherenyi ghoyitapa. Yitapa yi ne kuyituma kuBeteli podiyo eshi ha kayitape kumambungakriste agha ghana nyandiwa kumba endi kuroghuthura Yikota yoghuFumu.
Yikota yoghuFumu ne kuyighumba hanu wa hakutapanga hathinda. Mumatunga ghamweya, kwa kara mo Mbunga dhoKumba Yikota yoghuFumu. Mbunga dhi dhoharughani hokumba kuyenda kumikunda dhokumatunga ghamweya mukughamwena kumba nokudeghura Hashupi hamweya. Mumatunga ghamweya, Komitiye ghokumba kuyenditha ndani nokuroghuthura Yikota yoghuFumu mumukunda gho. Hakuru hombunga wa hakara noghudimuki ghokumba kughamwena mbungakriste mukumba ndani nohamweya wa hayitwetha mukutapa ruvedhe rwawo. Pakehe Thikota thoghuFumu ethi hana kumba, homumbunga nagho kughamwena. Mupepo waJehova ndani noyikutapa yawanu mukumba Yikota yoghuFumu, kuningitha yirughana yiyende kughutho.—Pisalemi 127:1; Hakakolose 3:23.
Pashanye mango ghetu ghoghukareri hana gha toyanga eshi Yikota yoghuFumu?
Ngepi edi yina tu tombokanga mukumba Yikota yoghuFumu mukaye kokaheya?