Lawana 13

Wan tingkika yabi pura sunra ba

(Lawana 95:2)

1. Man ra Jehova mamyunaia sa,

man ra wan Kingka pura sunisa.

Man ba pura sunra Wawalra sma,

man ra makupi main wan kaikisma.

Yu bani wan swapnika param sa;

swih tikan laka ban mamkabisa.

Luhpiam talya bak atki wan sakan.

Man lâmka kat wapan wan dauk’sa ban.

2. Lilia bangwisa ya ya man paiwi

wamtla ra bal kaikan lâmka ingni.

Bilam bak mai kakaira taki lan,

tempelkam na ra kaia misar want.

Man klamhkla tara rait karnakira,

ban bapi brisa man nampakan ra.

Kingkam laka yawan smalkaia sa,

kan baha baman wi ba kat dauk’sa.

3. Wan lukisma mita yawan lilia;

mamyunra tasba sut ra yas pawbia.

Kupiam pain laka ba kraunkam sika,

dikma sin prura, alai inanka.

Luhpiam bal pahbaisa saurka sut ba;

inan kabia kuna lilia mita.

Tingki sin luki kalki aiwani:

“Wan Kingka Jehova Gâd mayunpi!”

(Lawana 65:​2, 4, 11; Pil. 4:6 ba sin kaiks.)