LISIN 12

Upla ra pain munaia bara ai yamnika dukiara lukaia

1 Tesalonaika 2:7, 8

BÎLA PRAHNI RA: Kupiam param wal aisas bara mai wali nani dukiara lukisma ba mariks.

Mai wali uplika nani dukiara luks. Ridi takisma taim, mai wali nani trabilka bri ba dukiara luki kaiks, bara luks nahki ai dara wali banhwisa sapa.
Dîa wima ba pain luki kaikaia sma. Mai wali uplika nani kupia buks, maisa nihks bara spirit lâka ra karna dauks. Kupia sauhki bîla nani yus munpara. Jehova dukia daukras uplika nani mapara saura aisapara bara ai rilidianka smalkanka nani ba dukiara sin.
Hilp munaia want sma ba mariks. Baku kabia dukiara bîlam baikra swapni wal aisas, mamwan bara mihtam daukisma tnatka ba lâ kat kaia sa. Mamwan tnatka daukisma ba wal dîa marikisma ba lukaia sma. Piu bani liliakira aisi bas.

Aisisma tnatka ba lâ kat kaia sa. Diara sturka kum aisi kaikisma taim, dîa tânka bâra ba mariks, kuna kikaia dukia baman daukpara, bara man dukiamra baman lukbia daukaia apia sma. Man aisankam tnatka ba pain kabia dukiara, naha bîla nani yus muns; “pliskam pali”, “¿rait apia?”, “¿sip sa ki?” bara “¿want kama ki?”.