LISIN 17

Tnatka isi wal aisaia

1 Korint 14:9

BÎLA PRAHNI RA: Mai wali uplika nani ra hilp muns man dîa aisisma ba tânka bribia.

Aisanka kum yama ba tihu stadi muns. Smalkanka ba pain stadi munaia sma, baku sip kama tnatka isi ra marikaia bara tânkam brisma ba wina aisaia.
Bîla kunhku nani bara isi yus muns. Bîla yari nani yus munaia ba saura apia sa, sakuna tânka tara kum marikisma taim, kau pain sa bîla kunhku nani yus munaia.

Lukanka nani uya nit apia ba yus munpara, kan baha wal sip sma wali nani ra lal blakaia, apia kaka smalkanka ba wirha kaikbia. Bîla nani tânka briaia karna wan muni ba yus munpara. Kau pain sa bîla isi nani yus munaia.
Ani bîla upla nu âpu ba tânka mariks. Baha sât bîla nani uya yus munpara. Bîla kum kum, upla sturka Baibil ra taki ba, numba kulkaia tnatka nani, apia kaka pas piua upla iwanka tnatka kum mai wali nani ba nu âpu kaka, âmya tikpara tânka klir marikaia sma ba.