LISIN 18

Dîa smalkisma ba wina yamnika sâkbia

1 Korint 9:19-23

BÎLA PRAHNI RA: Mai wali nani ra hilp muns tânka ba silp luki kaikbia. Trai muns mai wali nani ba diara yamni kum lan takan sa ai dara walbia.

Mai wali uplika nani dîa pat nu ba dukiara luks. Aisanka wala ra witin nani dîa pat walan ba man kli wiaia watlikara, aisanka tânka ba tnatka raya ra kaikbia hilp muns.

Mai wali nani dîa dukia pat nu ba uya aisapara, sakuna diara raya kau walras ba dukiara kau aisas.
Tânka ba pliki bara luki kaiks. Sip sma kaka, diara kum kum upla uya nu âpu, apia kaka sturi raya kum takan ba yus muns lukanka tara kum marikaia dukiara. Baha lukanka tara ba laki kaiks dîa wilkanka brisa sturka yus munaia want sma ba wal.

Sturka sakram ba laki kaikma taim, naha makabi walanka silp dauks ¿dîa?, ¿dîa muni?, ¿ahkia?, ¿anira?, ¿ya? bara ¿nahki? Naha makabi walanka nani wal man smalkankam ba kau yamni dauks bara aisankam dauki kama taim, upla ra baha makabi wals bara tânka ba mariks.
Smalkisma ba nahki alki daukaia sip ba mariks. Tânka mariks nahki Baibil smalkanka nani ba yu bani mai wali uplika ra hilp munaia sip sa. Wali nani ba dîa trabilka, daukanka bara warkka nani pat nu ba dukiara aisas.