Baibil wina tânka kasak nani yawan lilia smalki ba

Jisas win, ya kupia pain bri nani ba Baibil dîa smalki ba wali, tânka kasak sa param kaikaia sip kabia (Jan 10:4, 27). Baha mita yawan upla ra smalkisa taim, Baibil smalkanka nani ba tnatka isi wal smalkaia want sa. Upla kum wal Baibil tânka kum dukiara aisaia want sma kaka, naku tâ krikaia sip sma: “¿Man pat nu kapram…?” apia kaka “¿Naha dukiara aima kum pat walram ki?”. Bara ningkara Baibil tikska kum wal tânka marikaia sip sma. Tânka kasak upla kum wal sir munaia ba, saumuk kum upla kupia ra mangkisma baku sa. ¡Bara Gâd mita baha saumukka ba yaban pâwisa! (1 Ko. 3:6, 7).

• Naika piua ba

• Pamali ba

• Gâd

• Pura sunra ba

• Jisas

• Gâd Kingka lâka ba

• Pât wahwanka ba

• Prura ba

• Rilidian ba

NAIKA PIUA BA

1. 1. Naiwa piua ra naha Tasba ra dîa taki ba, bara upla daukanka nani sut ba marikisa, tisku pali diara nani ba pain takbia (Mt. 24:3, 7, 8; Lk. 21:10, 11; 2 Ti. 3:1-5).

2. 2. Tasba ba sauhki tikan kabia apia (Law. 104:5; Smas. 1:4).

3. 3. Tasba ra sauhkan ba wapnika mangkbia (Ais. 35:1, 2; Par.M. 11:18).

4. 4. Naika piua ra yawan sut wan wîna tara pain bribia (Ais. 33:24; 35:5, 6).

5. 5. Man naha Tasba ra ban kaia ra iwaia sip sma (Law. 37:29; Mt. 5:5).

PAMALI BA

1. 6. Maya waitna ba ai maya mairin ra latwan kaikaia sa, sim ai wîna pali ba baku (Epe. 5:33; Kol. 3:19).

2. 7. Maya mairin ba ai maya waitna ra kulkaia sa (Epe. 5:33; Kol. 3:18).

3. 8. Maya waitna bara maya mairin ba pana pana kasak kaia sa (Mal. 2:16; Mt. 19:4-6, 9; Hib. 13:4).

4. 9. Ai aisa yapti bîla wali kulki luhpia nani ra, ai rayaka ra yamni baman wabia (S.L. 1:8, 9; Epe. 6:1-3).

NASA, ESA and the Hubble Heritage Team (STScI/AURA)-ESA/Hubble Collaboration. Licensed under CC BY 4.0. Source.

GÂD

1. 10. Gâd ba nina kum brisa (Law. 83:18 SLN; Imp.St. 6:2).

2. 11. Gâd ba yawan dukiara maisa pakanka painkira kum brisa (2 Ti. 3:16, 17; 2 Pi. 1:20, 21).

3. 12. Gâd ba kasakkira sa, bara upla mawan bâk saki kulkras (Kli S. 10:17; Ap.St. 10:34, 35).

4. 13. Gâd ba hilp wan munaia want sa (Law. 46:1; 145:18, 19).

PURA SUNRA BA

1. 14. Gâd want sa witin ra wan pura sunbia (Law. 62:8; 65:2; 1 Pi. 5:7).

2. 15. Baibil ba wan smalkisa nahki wan pura sunaia (Mt. 6:7-13; Lk. 11:1-4).

3. 16. Piua bani wan pura sunaia sa (Mt. 7:7, 8; 1 Tes. 5:17).

JISAS

1. 17. Jisas ba smasmalkra tara kum kan, bara naiwa piua kat ai smalkanka nani ba wan rayaka ra ban karnika brisa (Mt. 6:14, 15, 34; 7:12).

2. 18. Naiwa piua ra dîa taki ba, Jisas pat kaina manis wina aisan kan (Mt. 24:3, 7, 8, 14; Lk. 21:10, 11).

3. 19. Jisas ba Gâd luhpia sa (Mt. 16:16; Jan 3:16; 1 Jan 4:15).

4. 20. Jisas ba Gâd apia sa (Jan 14:28; 1 Ko. 11:3).

Based on NASA/Visible Earth imagery

GÂD KINGKA LÂKA BA

1. 21. Gâd Kingka lâka ba gabamint kum heven ra ba (Dn. 2:44; 7:13, 14; Mt. 6:9, 10; Par.M. 11:15).

2. 22. Gâd Kingka lâka ba naha tasba gabamintka nani sut ra pura lubia (Law. 2:7-9; Dn. 2:44).

3. 23. Gâd Kingka lâka ba tasba trabilka nani sut wapnika mangkbia (Law. 37:10, 11; 46:9; Ais. 65:21-23).

PÂT WAHWANKA BA

1. 24. Yawan pât wahwi ba Gâd pâtka apia sa (Kli S. 32:4; Je. 1:13).

2. 25. Naha tasba aiska ba Sitan tâ brisa (Lk. 4:5, 6; 1 Jan 5:19).

3. 26. Gâd pât wahwisma ba kaikisa, bara hilp mai munaia want sa (Law. 34:17-19; Ais. 41:10, 13).

4. 27. Pât wahwanka ba Gâd mita tisku âpu daukbia (Ais. 65:17; Par.M. 21:3, 4).

PRURA BA

1. 28. Pruan nani ba diara ai dara walras, bara pât sin wauhras (Smas. 9:5; Jan 11:11-14).

2. 29. Pruan nani ba hilp wan munaia sip apia sa, bara saura wan munaia sin sip apia sa (Law. 146:4; Smas. 9:6, 10).

3. 30. Wan latwankira nani pruan ba kli bubia (Job 14:13-15; Jan 5:28, 29; Ap.St. 24:15).

4. 31. “Prura kau âpu kabia” (Par.M. 21:3, 4; Ais. 25:8).

RILIDIAN BA

1. 32. Gâd ba rilidian nani sut ra lika yamni kaikras (Jir. 7:11; Mt. 7:13, 14, 21-23).

2. 33. Gâd ba mawan wâl bri nani ra misbara kaikisa (Ais. 29:13; Miq. 3:11; Mk. 7:6-8).

3. 34. Latwan lâka ba mita marikisa rilidian rait aihwa ba (Miq. 4:3; Jan 13:34, 35).