Lî kati 28 wina nahki kabia ba
LÎ KATI 28 WINA
□ Kangrigisan Baibil Stadika:
my sturi 4
□ Nahki Smalkaia ba Kulka:
Laki Kaikbia: 1 King 3-6
Nahki Smalkaia ba Kulka Kupia Kraukanka
□ Lan Wan Dauki Aidrubanka:
5 min: Maisapahkanka nani.
15 min: Julio ra wauhkataya brihwi yabaia dukyara ridi kaia. Wali nani sin yas aisabia. Minit kum apia kaka wal ra wauhkataya nani tanka ba laki kaiks. Baha wina ulbanka wal apia kaka yumhpa sin wahbi saks, bara wali nani ra yas aisabia ani tikska, bara makabi walanka nani yus munaia sip sa. Wauhkataya kumi bani dukyara marikanka kum daukbia. Upla ra kli wih kaikaia nahki Baibil stadika kum ta krikaia sip ba marikanka wala wal tnata praks (km-S 8/07 wah. 3).
15 min: Luhpiam nani ra kau sirpi sa wina smalkaia ridi dauks. Wali nani sin yas aisabia. Timoti ba smalki tataukra kum lankira bara ai kupia aiska ni aisi kan (Pil. 2:20-22). Witin ra help munan ba sika ai yaptika bara ai kukika ba, sirpi kan pyua wina Ulbanka hulikira nani lan daukan (2 Tim. 1:5; 3:15). Naha tanka nani ba, aisa yapti nani ra help munbia ai luhpia nani ra lan daukaia smalki tataukra kum pain kaia. 1) Smalkaia warkka ra luhpiam nani brih was, kau sirpi sa pyua wina; lan dauks witin dia sip ba kat smalkbia dukyara (Sins.l 22:6). 2) Diara wala nani sut purkara smalkaia warkka ba taura bris (Pil. 1:9, 10). 3) Pamali Mayunra Tihmika bara pyu wala nani ra sin luhpiam nani ra smalks, smalkaia warkka ba latwan kaiki bara kulkanka yabia (K.smal 6:6, 7). 4) Smalkaia warkka dukyara pain aisas (Pil. 3:8; 4:8; 1 Tim. 1:12). 5) Pamali baku ban smalkaia warkka ra was, baku ba ra, daukanka tnatka kum sip swiras baku kabia (W.n 5:41, 42). 6) Smalki tataukra warkka daukaia laik aikuki tauki bas (Sins.l 13:20). Wali nani ra makabi wals nahki ai aisika bara ai yaptika nani ta baikan smalkaia warkka ba kau pain bara liliakira daukaia.