Wauhkataya nani ba upla sut dukiara sa
1. ¿Alba kasak yamni ba nahki natka ra apastil Pal ba nina blikisa?
1 Apastil Pal ba ai smalkanka nani sât wala dauki kan “upla nani ra” sturi yamni nani ba smalkaia dukiara. Sim baku, alba kasak yamni ba wauhkataya nani yus munisa upla nisan wala bara lukanka sât wala bri ba ra smalkaia (1 Ko. 9:22, 23). Baha mita yawan La Atalaya bara ¡Despertad! yus munaia sip sa baha sât uplika nani ra smalkaia.
2. ¿¡Despertad! wauhkataya ba ya nani dukiara sa?
2 ¡Despertad! Apastil Pal “Atenas waitnika nani” ra smalkan. Bara ¡Despertad! wauhkataya ulban sa naha sât uplika nani ra hilp munaia dukiara (Ap.St 17:22). Baha waitnika nani kristian apia kan, bara Baibil tânka ba briras kan. Sim baku, ¡Despertad! ba ulban sa Baibil tânka uya nu âpu uplika nani dukiara. Ban kra, kristian smalkanka nani dukiara wiria baman nu sa, apia kaka, rilidian nani ra kasak lukras, bara Baibil ba hilpka kumi sin âpu lukisa. ¡Despertad! wauhkataya upla nani ra hilp munisa Gâd bâra ba kasak lukaia. Baku sin upla ra hilp munisa Baibil ra kasak lukaia bara marikisa Jehova Witniska nani ba sât wala sa rilidian wala nani ba wal.
3. ¿La Atalaya wauhkataya ba ya nani dukiara ulban sa?
3 La Atalaya. Wauhkataya upla sut dukiara ulban ba ya ya Gâd ra kasak luki bara Baibil ra sin kasak luki ba uplika nani sât dukiara ulban sa. Apastil Pal aisan uplika nani baku sa, witin nani “Gâd ra sibrin luki” kan (Ap.St 13:14-16). Naha wauhkataya aisi kaiki uplika nani ba Baibil dukiara wira tânka brisa, sakuna Baibil smalkanka nani ba pain pali nu âpu sa. La Atalaya aidrubanka nani ra laki kaiki ba Jehova Witniska nani dukiara ulban sa. Pal upla nani ra wauhtaya ulbi bliki kan ba, witin nu kan baha uplika nani ba Baibil tânka ba pain nu kan (1 Ko. 1:1, 2). Sim baku, La Atalaya ulbanka lalka nani aidrubanka nani ra laki kaiki ba Jehova Witniska nani dukiara ulban sa.
4. ¿Dîa muni wauhkataya tânka ba upla ra yabras kainara lan takaia sa?
4 La Atalaya bara ¡Despertad! wauhkataya nani ba upla mihta ra yabisa piua ra, kumi baman dukiara aisisa, sakuna wal sut uplika ra yabisa. Baha mita, wauhkataya tânka ba pain lan takaia sa. Baku dauki baman upla nani ba pain ai tânka bribia.