Ulbanka lalka kum dukiara aisas, sakuna wauhkataya wâlsut ba yas
Wauhkataya kumi bani tânka manis brisa. Bara ulbanka lalka manis dukiara aisaia watlika ra, kau pain sa upla ra tânka kumi baman dukiara aisaia. Wan tnaya kir ra laki kaikisa, baku sin La Atalaya bara ¡Despertad! wauhkataya nani pat laki kaikan kaka, sip kabia tânka kum saki upla nani wal aisaia. Sampla baku, tuktan pulaika nani utla ra bâra sa, ulbanka lalka kum pamali dukiara aisi ba yus munaia sip sa. Waitna kum durka ba kwâkisa kaka, ban kra ulbanka lalka kum waitna nani nu takaia want ba yus munaia sip sa. Sampla baku, nahki gabamint pain kum briaia. Bara ulbanka tânka kumi baman dukiara aisabia, sakuna wauhkataya wâlsut ba upla kum kau lan takaia want ba ra yabia.