Gâd nina ba holikira daukan kabia
1. Yu Wâl Aidrubanka lalka 2012 manka ra kabia ba, ¿ani sa, bara ani wina sakan sa?
1 ¡Jehova, wan Kingka nina tara yus munaia ba kau diara tara sa! Jehova mita baha nina 1931 manka wina wankan sa. Baha mita yawan Jehova Witniska nani sa, kan witin nina brih taukisa (Ais. 43:10). Jisas, Gâd luhpia kumi pali ba, Jehova nina ba tara kulkan, baha mita ai disaipilka nani ra nahki ai pura sunaia smalkan taim ai Aisa nina ba tâura mangkan (Mt. 6:9). Naha 2012 manka ra Yu Wâl Aidrubanka lalka ba naku kabia, “Ninam ba holikira kulkan kabia”.
2. ¿Dîa aisanka nani ba Yu Wâl Aidrubanka ra yaban kabia?
2 ¿Dîa lan takbia? Satadi yua naha aisanka bâra kabia “Piu aiska smalki tataukra nani ba Gâd nina ba smalkaia sa”, bara wan smalkbia dîa muni piu aiska smalkaia warkka daukaia ba wan rayaka ra lilia lâka wankisa. Baku sin pis pis aisanka kum daukbia, “Jehova nina ba tâski daukaia apia sa”, bahara hilp wan munbia traika kaikanka natka walhwal kau kakaira ba kahwaia apia. Upla nani ba wan walaia want apia sa piua ra, ¿dîa hilp wan munbia takaskraskira smalkaia? Bara, ¿nahki muni smalkaia warkka ba kau pain daukaia sip sa? Naha makabi walanka wâl naha aisanka ra ansika yabia, “¿Dîa muni Gâd nina ba holi daukan kaia sa?”. Sandi yua ra pis pis aisanka kum walbia, ¿nahki muni Gâd nina holi daukaia sip sa wan lukanka ra, wan aisanka nani, wan daukanka bara yawan dîa daukaia luki ba? Paiwan uplika sut dukiara aisanka kum walbia ba naku kabia, “Jehova ai nina tara ba Armagedan ra holi daukan kabia”.
3. ¿Dîa blisinka tara brisa, bara Yu Wâl Aidrubanka ba nahki hilp wan munbia?
3 Tisku pali Jehova ai nina ba holikira daukbia (Isi. 36:23). Baha yua kau balras ba ra, yawan blisin tara kum brisa, Jehova nina holikira ba kan kahbaia. Yawan nu sa naha Yu Wâl Aidrubanka ba hilp wan munbia Jehova nina ban brih taukaia.