Smalki tataukra nani dukyara yamnika kum
1. Dia tnatka raya 1938 manka ra ta krikan, bara dia muni?
1 Jehova asla takanka ba, 1938 manka ra asambleas de zona ta krikan —naiwa Yu Wal Aidrubanka makisa—, bara kangrigisan daknika nani baha ra waia paiwi kan. Dia muni? Enero kati 1939 manka ra el Informador —naiwa Gâd Warkka Dauki— ba naku win: “Naha aidrubanka tara nani ba Jehova asla takanka Witin bui ta bri ba piska sa. Naha kupia kraukanka nani dauki ba yamni pali sa ya ya ai warkka yaban ba ai pitka kat daukaia”. 1938 manka wina King laka sturka smasmalkra nani ba kau pawi aula ba kaikisa, baha pyua ra 58,000 bara kan, nanara 2009 manka ra 7,000.000 smalki tataukra pura bara sa. Param sa, Yu Wal Aidrubanka nani ba ai warkka dauki help munisa smasmalkra nani ra “ai warkka yaban ba ai pitka kat daukaia”.
2. Yu Wal Aidrubanka aula ba ra dia dahra aisi kabia?
2 Mani aula aidrubanka lalka ba naku kabia. Aihni pali bila kaikisa Septiembre katka ra aidrubanka na ta krikuya ba, bara ta baikanka baha ra wankbia ba. Aidrubanka lalka ba Jan 15:19 wina sakan kabia: “Man nani lika naha tasba wina uplika apia sma”. Aisanka nani ba dia dahra aisabia ki? Satadi yua ba aisan kabia nahki pyua aiska smalkaia warkka ba wan ta baikisa. Baku sin, aisanka piska yuhmpa daukan kabia. Wan marikbia “daiwan saura”, “mairin rugkira tara” bara ‘bisnis dauki uplika’ nani wal tila dimaia apia. Sandi ba, aisanka pis pis ra daukan kabia, bara wan kupia kraukan kabia Jehova ra baman latwan kaikaia, naha tasba ra lika apia. Baku sin aisan kabia, yawan ba naha tasba ra tringsar iwisa, bara naha tasba pura luaia dukyara, sîbrin apu laka briaia dahra sin aisan kabia.
3. Yu Wal Aidrubanka ra wabia kaka, dia yamnika briaia sip sa ki?
3 Kristian mairin kum smalkaia warkka ra uba daukras kan ya ba, Yu Wal Aidrubanka kum ra wan ningkara, aisan aidrubanka na help munan ai rayaka ba kli laki kaikaia bara ai kupia wal aisan “smalkaia warkka ba mahka daukaia bara nahmpa nahmpa lukaia apia”. Rait aihwa, naha aidrubanka help wan munbia Jehova ra baman latwan kaikaia naha tasba ra lika apia (1 Jan 2:15-17). King laka smalki tataukra dukyara ridi daukan ba yamnika briaia wisi kaina manas wina ridi taks aidrubanka ra waia bara aman walaia.