Las maravillas de la creación revelan la gloria de Dios lilkika ba
Upla ailal ba paskanka ra kaiki lilia takisa. Sakuna paskanka ra kaikisa taim upla wiria baman ai tânka brisa wan Papaskra Tara daukanka nani ba kaikisa (Ro. 1:20). Mani ailal luan ra, Debit ba Baibil bâk Jehova tânka lan takan. Sakuna witin sin ‘kaikan’ bara Gâd lamara wan Witin paskanka bâk (Law. 8:3, 4). Las maravillas de la creación revelan la gloria de Dios lilkika ba yawan ra, wan luhpia nani ra, baku sin Baibil stadi tatakra nani ra hilp munisa Jehova paskanka ra kau lama wina kaikaia. Bara wan Papaskra daukanka nani kaiki kau lamara wabia. Naha lilkika kaikma ningkara naha makabi walanka nani ban kra ansika yabaia sip kama.
1) ¿Nahki natka ra heven yahpika bara aslika lâka ba Jehova ra rispik tara marikaia hilp wan munisa? (Ais. 40:26.) 2) Yawan lî ba laki kaikisa taim, ¿dîa lan takisa lî paskan Uplika ba dukiara? (Par.M 14:7.) 3) Tasba yahpika bara yu lapta wina ai pitka kat ba ¿dîa wan smalkisa Jehova sinska lâka ba dukiara? 4) ¿Kati ba dîa warkka daukisa? (Law. 89:37.) 5) ¿Nahki natka ra Jehova upla ra paskan liliakira iwaia dukiara? 6) ¿ADN ba dîa sa? (Law. 139:16.) 7) ¿Jehova paskanka sut wina, ¿nahki natka ra upla nani ba sât wala sa? (Bla.St 1:26.) 8) ¿Man dîa bîla kaikisma briaia paradais ra?
Makabi walanka wala nani. 9) ¿Kalatka nani ba ani wina balisa? 10) ¿Nahki natka ra lî ba dus wakia wina bahna kat uli waia sip sa? 11) ¿Lî ba dîa warkka daukisa wan wîna tara bilara? 12) Tânka mariks nahki natka ra rayaka bri nani asla lâka ra iwisa. 13) ¿Nahki natka ra rayaka bri nani nu sa pana pana hilp munaia ba? 14) ¿“Ángulo áureo” ba dîa sa, bara nahki natka ra paskanka ra marikisa?
Jehova paskanka ra ‘luki kaiks’. Jisas wan kupia bukan ‘daiwan tnawira nani purara pâli ba ra luki kaikaia’ bara ‘tangni nani twi ra pâwi ba ra’ sin (Mt. 6:26, 28). Naha daukisa taim, wan kasakka lukan lâka kau tara takisa, bara Jehova sinska lâka ra kau lukisa. Baku sin Witin ai karnika wal swaki wan sakisa bara latwan lâka tara brisa. Naha tasba warkka nani ra lukaia watlika ra, kau pain kabia wan taimka saki Jehova paskanka ra kaikaia bara lukaia nahki muni paskanka ba wan smalkisa wan Gâdka ba dukiara (Law. 19:1).