Maisam pakisa

◼ Upla mihta ra swiaia ulbi sakanka nani ba naku kabia. Kakamuk kati: Smalkisa bukka. Pas yua uplika ra wih kaikuya taim Baibil stadika nani tâ krikaia trai muns. Bara uplika ba Smalkisa bukka brisa sakuna Baibil stadika kum brin daukras kaka, pat luan wauhkataya kum, apia kaka wauhtaya tara kum yabaia sip sa. Lih Wainhka kati: La Atalaya bara ¡Despertad! Uplika ba kau walan daukisa kaka, Tanka Kasak ba Nu Takan mai Daukisa ki? wauhtaya sirpi ba yas bara Baibil stadika kum tâ krikaia trai muns. Jehova Witniska apia uplika nani Jisas Pruan Kupia Kraukanka ra apia kaka aidrubanka wala nani ra sin bali ba ra wih kaikbia taim Baibil stadika kum tâ krikaia trai munbia. Lih Mairin kati: Isingni nani ba... Sip sa help mai munaia?, apia kaka saura mai munaia? Rait pali, bara bangwisa ki?, Yawan sip sa Gâd panika kaia.

◼ Jisas Pruan Kupia Kraukanka ba Lih Wainhka kati 5, tausdi yua, 2012 manka ra daukbia. Kangrigisankam ba tausdi yua ra aidrubanka brisa kaka, yu wala ra daukaia sip sa, Aidrubanka Watla ra upla âpu sa kaka. Sakuna naha daukaia sip apia, bara Gâd Warkka Daukaia Aidrubanka ba sip daukras kaka, aisanka nani ba kangrigisan ra hilp munaia sip ba Gâd Warkka Daukaia Aidrubanka yu wala ra daukaia sip kabia.

◼ Los jóvenes preguntan... ¿Cómo conseguir amigos verdaderos? bara Los jóvenes preguntan... ¿Qué haré con mi vida? lilkika nani ba Gâd Warkka Daukaia Aidrubanka kum aula ba ra laki kaikbia. Naha lilkika nani âpu sma kaka kangrigisan bâk isti pali makabaia sip sma.

◼ Uba lilia maisam pakisa La Atalaya wauhkataya ba Lih Wainhka kati 1 wina garífuna bîla ra takaisa. Naha bîla ba Belice, Honduras, Guatemala, bara Nicaragua ra aisisa. Naha wauhkataya ba upla sut dukiara, baku sin kangrigisan ra stadi takaisa. Bara smalkaia warkka ra upla ra yabaia sip sa. Baku sin, Gâd Warkka Dauki wauhkataya ba Lih Wainhka kati wina mazateco bîla ra takbia. Naha bîla ba Mexico ra aisisa.