Smalkaia warkka pâwanka nani

Waupasa kati 2011 manka ra, Mexico pura kaiki kuntrika 8 ba pâwanka nani brin. Tâura smasmalkra nani 121.852 bâra sa. Baku sin, 54 kangrigisan raya nani takan. Baha mita, nanara 15.346 kangrigisan bâra sa. Kati 14 bilara —Wîs kati 2010 manka wina Waupasa kati 2011 manka ba kat— tâura smasmalkra nani numbika ba kau pâwan sa. Naha wan marikisa Jehova blisin munisa ya nani Witin ra mayuni ba ra (Par.M 4:11).