¡Yamni balan bîla ba yas!
1. ¿Ani piua nani sanska wankisa witnis aisaia dukiara, bara dîa muni?
1 Jisas Pruan Kupia Kraukanka piua ba sanska wankisa witnis aisaia dukiara. Sampla baku, naha mani ra yawan bîla kaikisa 10 milian bâra kabia naha yua ra, bara witin nani lan takbia Jehova latwan wan kaiki ba mita atki sakan lâka aibapan (Jn. 3:16; 15:13). Baku sin, witin nani lan takbia Jehova naha prisantka wankan ba mita dîa yamnika sakisa (Ais. 65:21-23). Sakuna, aisasara baman baha yua ra witnis yabia apia. Muihni lakri nani sut sanska bribia witnis aisaia dukiara bara paiwan balan uplika nani ra yamni balan bîla yabaia (Ro. 15:7).
2. ¿Nahki paiwan balan nani ra yamni balan bîla yabaia sip sa?
2 Baha piua ra wan sirka ra iwi sturi aisaras kaia watlika ra, ¿dîa muni paiwan balan uplika nani ra wih lakula wiras? Ban kra witin nani ba ai swira brisa apia kaka pas trip bâra ba mita diara sut raya baku kaikisa. Baha mita, wan pânika lâka marikaia sip sa. Baku natka ra witin nani ba kau pain ai dara walbia. Upla kum ra paiwan balan sapa nu takaia want sa kaka, yawan witin ra makabi walaia sip sa pas trip balan sapa apia kaka upla kum ra kangrigisan ra kakaira takisa sapa. Ban kra paiwaia sip sma man wal iwbia bara aikuki lawana bukka yus munaia. Aidrubanka kum ra sa kaka, man naha ba uplika ra marikaia sip sma. Bara aisanka ningkara, wih uplika ra makabi wals makabi walanka kum brisa sapa. Bara kangrigisankam mahka taki waia nit sa kaka, kan kangrigisan wala dimi aula ba mita, makabi walaia sip sma: “Naha aidrubanka dukiara dîa lukisma sapa nu takaia want sna. ¿Natka kum bâra sa kli man wal aisaia dukiara?”. Baha wina, ahkia kli wih kaikma yua ba wis. Kangrigisan almukka nani ba natka plikaia sa kauhla takan nani ra wih kupia bukaia dukiara.
3. ¿Dîa muni paiwan uplika nani ra yamni balan bîla yabaia sa?
3 Paiwan balan uplika nani ailal mapara pas trip kupia kumi lâka, apia kaka asla lâka kaiki ba. Kan yawan ba aikuki Jehova ra mayunisa (Law. 29:11; Ais. 11:6-9; 65:13, 14). Paiwan balan uplika nani ba, ¿dîa kaikbia baha yua ra? Wan mihta ra sa witin nani ra yamni balan bîla yabaia. Baku witin nani uba lilia ai dara walbia.