¿Kangrigisan ra maisa pakanka nani sabi pliska ba wih kaikisma ki?

Kangrigisan almukka nani, hilp mamunra nani bara kristian waitna wala kangrigisan warkka kum bri sapa naha pliska ra wih kaikisa. Sakuna, baha pliska ra yawan sut dukiara maisa pakanka pain nani bâra sa. ¿Aidrubanka watla ahkia yua ba klin daukaia brisma sapa nu sma ki? ¿Betel apiska wina apia kaka impaki pura kakaira ba wauhtaya kum ulbi blikan sa ki? Wan stadi tatakra nani ra aidrubanka ra paiwaia dukiara, ¿naha wikka ra aisanka lalka yabia nina pat nu sma ki? Aidrubanka kum apia kaka smalkaia dukiara daknika ba taki waia dukiara, ¿yua bara awarka ba chens munan sa ki? Naha maisa pakanka aihkika ba aidrubanka ra danh maisa pakras sa, bara kangrigisan almukka nani ba smalki tataukra sut ra maisa pakaia ba karna munisa. Baha mita, pain kabia piua kum kum ra maisa pakanka nani sabi pliska bâk kaiki lubia. Maisa pakanka nani ba pain wan tânka bribia kaka, ‘diara sut ba painkira bara wapni kat daukbia’ (1 Ko. 14:40).