Tâ briaia hilpka Kristian Rayaka bara Smalkaia Warkka aidrubanka dukiara

Ulbanka lalka

1. Naha wauhkataya ra dîa wi ba Kristian Rayaka bara Smalkaia Warkka aidrubanka ra sut tâ baikbia dukiara hilp munbia. Smalki tataukra nani ba ai marikanka bara aisanka nani yabaia dukiara, naha wauhkataya dîa wi ba pas laki kaikaia sa. Kangrigisan ra smalki tataukra sut ra naha aidrubanka ra aisanka yabia dukiara paiwaia sa. Kau smalki tataukra takras nani sin, Baibil smalkanka nani ai rayaka ra alki dauki kristian lâka kat iwisa kaka, ai aisanka bara marikanka nani wal tâ baikaia sip sa. Rayaka bara Smalkaia aidrubanka pura kakaira ba, marikanka bara aisanka wal tâ baikaia want nani ba spirit lainka ra pain sa sapa laki kaiki, pain sa kaka, uplika ra maisa pakbia. Naha ba stadi tatakra bara Baibil stadika yabi uplika aikuki laki kaikaia sa. Bara tuktan kum sa kaka, ai aisa yapti (witin nani tila wina kum pan Witnis kaia sa) aikuki laki kaikbia. Aisanka apia kaka marikanka yabaia want uplika nani ra dîa makabi ba, kau tahbi daukan lâka briras smalki tataukra takaia want uplika nani ra makabi ba wal sim dukia sa (od-S sap. 8 baiki s. 8).

TÂ KRIKAIA BÎLA NANI

2. Lawana bara pura sunra lubia ningkara, Rayaka bara Smalkaia aidrubanka tâ brabrira ba aidrubanka ra dîa lan takbia ba minit kum ra wali nani ra kupia buki tânka marikbia. Baku sin, smalkanka nani kangrigisan ra kau hilp munbia ba dukiara aisabia.

BAIBIL WINA DIARA MANAKIRA BA

3. Aisanka (10 minit). Aidrubanka dukiara ridi takaia wauhkataya ra lalka bara tâ lukanka wâl, apia kaka yumhpa takisa. Kangrigisan almukka kum apia kaka hilp mamunra lankira kum mihta ra kabia. Baibil bukka raya kum stadi takbia taim, lilka kum wal tâ krikbia. Aisasara ba lilkika ra tânka kum kum taki ba ai aisanka ra sin yus munaia sip sa, sakuna Aidrubanka dukiara ridi takaia wauhkataya ra tânka nani taki ba sut laki kaikaia sa. Taim bâra sa kaka, wauhkataya ra lilka nani taki ba yus munaia sa, kan baha nani ba aisanka tilara sa. Aisanka ra tâ baikisa kaka, ulbi sakanka wala nani wina tânka kum kum dingki aisaia sip sa.

4. Spirit dukia walpa manakira pliki sakaia (10 minit). Naha pîska tâ krikaia dukiara bîla kum wiaia nit apia sa. Tâ bri ba mahka makabi walanka nani daukisa, bara wali nani ba ansika yabisa. Kangrigisan almukka kum apia kaka hilp mamunra lankira kum mihta ra kabia. Aisasara ba makabi walanka wâl ba daukaia sa. Baku sin, makabi walanka nani ra tikska nani taki ba aisi kaikbia sapa witin mihta ra sa. Wali nani aisanka ba 30 sekan apia kaka taim kau wiria ra daukaia sa. Naha pîska tnata prakaia dukiara bîla kum wiaia nit apia sa.

5. Baibil aisi kaikanka ba (4 minit). Aisanka na kangrigisan wina waitna kum mihta ra kabia. Tâ krikaia bara tnata prakaia bîla nani wiaia nit apia sa, naha pîska dukiara tikska nani ridi daukan ba baman aisi kaikaia sa. Tâ brabrira ba stadi tatakra nani ra hilp munbia, pain pali aisi kaikaia, bîla baikra ba aitani kat yus munaia, smalkanka wina dîa tânka tara bri ba klir marikaia, bara ai tnatka ba kat aisi kaikaia. Baibil aisi kaikanka ba sam taim yari, apia kaka kunhku kaia sip sa. Baha mita, Rayaka bara Smalkaia warkka aidrubanka pura kakaira ba, stadi tatakra kumi bani aisi kaikaia sip sa sapa laki kaiki, pîska ba yabaia sa.

SMALKAIA WARKKA RA KAU PAIN RIDI TAKAIA

6. 15 minit. Naha pîska na smalkaia warkka ra kau lankira kaia, bara smalkaia tnatka wala nani lan takaia sanska sut ba bribia dukiara ridi daukan sa. Nit sa kaka, kangrigisan almuk nani ba sin, stadi tatakra baku marikanka nani briaia sip sa. Ya marikanka apia kaka aisanka bri nani ba, ai pîska tnaya ra Smasmalkra apia kaka Latwan lâka warkka wauhkataya tara wina ani smalkanka alki daukaia bliki ba wal wark takaia sa. Sam taim, pîska kum kum ra wali nani wal laki kaikbia makabisa. Baha sât pîska ba kangrigisan almukka, apia kaka hilp mamunra lankira kum mihta ra kabia (Wali nani wal laki kaikaia pîska nani nahki tâ briaia kupia kraukanka nani kaikaia dukiara, baiki sakanka 15 aisi kaiks).

7. Upla wal aisaia tâ kriks. Naha pîska tâ baikbia ba, waitna kabia mairin kabia sin pain sa, kuna waitna sa kaka hilp mamunrika ba waitna kaia nit sa, bara mairin sa kaka sim kaia nit sa, apia kaka ai pamalika uplika kum kaia. Iwi apia kaka bûi daukaia sip sa. (Marikanka nahki yabaia tânka dukiara kau nu takaia want sma kaka, baiki sakanka 12 bara 13 aisi kaiks).

8. Upla ra kli wih kaiks. Naha pîska tâ baikbia ba, waitna kabia mairin kabia sin pain sa, kuna waitna sa kaka hilp mamunrika ba waitna kaia nit sa, bara mairin sa kaka sim kaia nit sa (km-S 5/97 p. 2). Iwi apia kaka bûi daukaia sip sa. Marikanka tâ bribia uplika ba kli wih kaikanka dauki ba dîa aisabia ba wal latan marikaia sa (Marikanka nahki yabaia tânka dukiara kau nu takaia want sma kaka, baiki sakanka 12 bara 13 aisi kaiks).

9. Disaipil nani dauks. Naha pîska tâ baikbia ba, waitna kabia mairin kabia sin pain sa, kuna waitna sa kaka hilp mamunrika ba waitna kaia nit sa, bara mairin sa kaka sim kaia nit sa (km-S 5/97 p. 2). Iwi apia kaka bûi daukaia sip sa. Marikanka tâ bribia uplika ba Baibil stadika ra sapta kum stadi takaia pat tâ krikan baku daukaia sa. Saptika tâ wina laki kaikaia, apia kaka tnata prakaia dukiara bîla nani yus munaia nit apia sa. Baiki sakanka nani aisi kaikaia sip sa, kuna nit apia sa.

10. Kasakkam lukan lâka dukiara aisas. Aisanka kum kabia taim, kangrigisan waitnika kum mihta ra mangkbia, marikanka kum baku takisa kaka, mairin apia kaka waitna kum ra mangkaia sip sa, kuna waitna sa kaka hilp mamunrika ba waitna kaia nit sa, bara mairin sa kaka sim kaia nit sa, apia kaka ai pamalika uplika kum kaia. Makabi walanka nani ra ansa munaia dukiara, yus munbia mangkan ulbi sakanka wina tânka ba sakaia sa. Klir bara tnatka tânkira wal aisaia sa. Naha pîska tâ bribia uplika ba, ani ulbi sakanka wina aisi ba uplika ra wiaia, apia kaka marikaia ai mihta ra kabia.

11. Aisanka. Naha pîska ba kangrigisan waitnika kum mihta ra mangkbia. Latwan lâka warkka wauhkataya tara ulbanka tâka 1 dukiara aisabia taim, Baibil tikska nani smalkaia warkka ra nahki yus munaia sip ba dukiara tânka marikaia sa. Tânka kum baku, Baibil tikska kum dîa smalkanka wanki ba dukiara aisaia sip sma, ani piua ra yus munaia sip ba, bara smalkisa taim nahki tânka marikaia sip ba sin. Latwan lâka warkka wauhkataya tara saptika kum wina aisanka yabaia mai blikisa taim, smalkaia warkka ra nahki alki daukaia sip ba tânka mariks. Saptika pas baiki sakanka wina smalkanka briaia sip sma, apia kaka sim saptika ra Baibil tikska nani taki ba yus munaia sip sma.

12. Naha pîska tânka. Naha pîska ra “Upla wal aisaia tâ kriks” bara “Upla ra kli wih kaiks” marikanka dukiara ani smalkanka wal wark takma sapa tânka mai marikisa. Aima aihkika ra smalki tataukra ba uplika kum wal Baibil smalkanka sir munaia sa, bara kli wih kaikanka kum daukaia dukiara makabi walanka apia kaka lukanka kum aisaia sa. Marikanka tâ bribia uplika ba smalki pliska ra upla nani dîa kau nu takan dauki ba ra luki, ai aisanka ridi daukaia sa. Baku sin, witin silp wahbi sakaia sip sa, smalkaia hilpka nani tila wina lilka kum apia kaka ulbi sakanka kum yus munaia. Ai sinska wina aisanka daukaia watlika ra, upla nani ra luki ba, bara ai tnatka kat aisaia smalkanka nani alki daukaia trai munaia sa.

13. Diaura luki daukbia. Aima aihkika ra Marikanka tâ bribia uplika ra diara kum ra luki ai aisanka daukbia makabisa. Tânka kum baku:

(1) Utla utla ra smalkaia: Naha pîska ra, utla utla ra, telefóno bâk bara wauhkataya bâk pas trip smalkaia, apia kaka kli wih kaikanka ra luki daukaia sa.
(2) Ban wina smalkaia: Naha pîska ra upla kum wal aisi piua ra, nahki smalkaia sanska kum briaia sip ba wan marikisa. Tâ bribia uplika ba wark taki pliska, skul watla, ai watla lamara, bus ra impakisa taim, apia kaka plis wala ra upla kum wal Baibil wina lukanka kum sir munaia sip sa.
(3) Upla ailal lui pliska ra smalkaIa: Naha pîska ra, truk lupia wal smalkaia, parque, yabal ra, truk park muni pliska ra, uptis watla, apia kaka diara atki pliska tara nani ra upla nani ra nahki smalkaia sip ba marikaia sa.

14. Lilka bara ulbi sakanka nani yus munaia. Lilka apia kaka ulbi sakanka kum yus munbia sapa, kumi bani wahbi sakaia sip sa. Marikanka ra lilka kum yus munaia wisa kaka, apia kaka yus munaia wahbi sakisa kaka, lilka ra dîa kaikan ba laki kaiki pana pana aisaia sa, kuna lilkika pali ba lika mangkaia apia sa.

KRISTIAN RAYAKA BA

15. Lawana aiwanbia ningkara, wali nani ra Gâd Bîla nahki alki daukaia kupia bukaia dukiara, 15 minit pîska kumi apia kaka wâl brisa. Aima aihkika ra naha pîska nani ba kangrigisan almukka, apia kaka hilp mamunra spirit lainka ra pâwan nani mihta ra mangkisa. Kangrigisan nitka pîska ba kangrigisan almukka mihta ra baman mangkisa. Pîska kum ra wali nani wal laki kaikbia wisa taim, tâ brabrira ba baha pîska ra taki makabi walanka nani bara makabi walanka wala nani sin daukaia sip sa. Smalkanka tara nani dukiara aisaia taim aitani briaia dukiara, tâ krikanka ra uya taim yus munaia apia sa. Muihni lakri nani ai sturka aisaia paiwisa kaka, ai sirka wina aisaia watlika ra, aisasara pliska ra uli daukbia kupia bukisa.

16. Kangrigisan Baibil stadika ba. Kangrigisan almukka lankira kum mihta ra kabia (almuk wiria bâra sa kaka hilp mamunra lankira nani ra yus munaia sip sa). Ya nani mihta ra mangkaia ba kangrigisan almukka nani daknika mita wahbi sâkbia. Ya naha pîska tâ bribia ba taimka kat danh daukaia sa, bara kau tânka tara bri tikska nani bara smalkanka ba wali nani ra marikaia sa. Naha pîska tâ briaia dukiara wahbi sakan nani ba, nahki tâ briaia dukiara aisi wauhkataya ra hilp plikaia sip sa (w23.04 wahia 24 bakska). Kangrigisan Baibil stadika ba pain laki kaikisa kaka, kau yari daukaia nit apia sa. Sip sa kaka, tâ brabrira bara aisi kakaira nani ba wik bani chens muni kaia. Aidrubanka tâ brabrira mita stadika ba kunhku daukbia makabia kaka, kangrigisan Baibil stadika tâ brabrira mihta ra kabia nahki kunhku daukbia ba. Ban kra baiki sakanka kum kum aisi kaikbia apia.

TNATA PRAKAIA BÎLA NANI

17. 3 minit. Tâ brabrira ba aidrubanka ra dîa lan takan ba wina tânka tara kum kum dukiara aisabia. Bara wik aula ra dîa lan takbia ba dukiara wirâ aisi, wali nani kupia bukbia. Kau taim bâra kabia kaka, wik wala stadi tatakra nani aisanka bribia nina nani ba wibia. Diara wala wiras sa kaka, tâ brabrira ba naha pîska ra maisa pakanka bara kangrigisan dukiara wauhkataya nani aisi kaikaia sip sa. Maisa pakanka wala nani —anira taki smalkbia bara klin munaia daknika nani dukiara baku— naha pîska ra wibia apia, maisa pakanka nani sabi tatka ra mangki swibia. Maisa pakanka bara wauhtaya aisi kaikaia taim âpu sa kaka, “Kristian rayaka kat iwaia” aisanka yabi nani ra tâ brabrira mita wibia ai aisanka nani ba kunhku daukbia (baiki s. 16 bara 19 ba kaiks). Aidrubanka ba lawana bara pura sunra wal danh takbia.

KUPIA BUKAIA BÎLA BARA KUPIA KRAUKANKA NANI

18. Stadi tatakra aisanka bani ningkara, tâ brabrira ba 1 minit bilkara ani smalkanka wal wark taki kan ba ra luki, kupia bukaia bîla bara kupia kraukanka nani yabaia sa. Tâ brabrira mita stadi tatakra ra ai aisanka daukbia paiwbia taim, ani smalkanka wal wark taki ba wiaia apia sa. Aisanka danh takbia taim, bîla yamni nani wibia ningkara, witin ani smalkanka wal wark taki kan ba wiaia sip sa, baku sin dîa muni pain daukan ba, apia kaka smalkanka ra nahki kau ai sinska mangkaia sip ba latwan lâka bara rispik lâka wal wiaia sip sa. Tâ brabrira ba stadi tatakra bara wali nani ba marikanka wina yamnika aiska sâkbia dukiara, tânka wala nani dukiara sin aisaia sip sa. Aidrubanka ningkara apia kaka piua wala ra, stadi tatakra ra sait ra brih wi, Smasmalkra bukka, Latwan lâka warkka wauhkataya tara, apia kaka Benefíciese bukka wina ani smalkanka wal wark takan ba dukiara kupia kraukanka yamni wala nani yabaia sip sa, apia kaka smalkanka wala sin yus munaia sip sa (Rayaka bara Smalkaia aidrubanka tâ brabrira bara kupia kraukanka yabi hilp mamunrika warkka dukiara, baiki sakanka 19, 24 bara 25 ra kau tânka nani sâkma).

TAIMKA

19. Aidrubanka pîska bani ba ai piua brisa, baha mita aisanka nani ba ai taimka wina luaia apia sa, tâ brabrira aisanka nani sin. Aisanka nani ra “apia kaka kau wiria” bîla nani ulbi mangkras kabia kra sin, piska tanka aitani marikan sa kaka, kau yari daukaia nit apia sa. Stadi tatakra apia kaka aisasara nani ai taimka pura lubia kaka, Rayaka bara Smalkaia aidrubanka tâ brabrira ba apia kaka kupia kraukanka yabi hilp mamunrika ba baha dukiara saita ra rispik laka wal smalkaia sip sa (baiki s. 24 bara 25 kaiks). Aidrubanka ba awar kum bara 45 minit ra daukaia sa, lawana bara pura sunra nani sin baha tilara kaia sa.

IMPAKI PURA KAKAIRA BALBIA WIKKA RA

20. Impaki pura kakaira ba balbia taim, Aidrubanka dukiara ridi takaia wauhkataya ra mariki ba baku daukbia, kuna “Kangrigisan Baibil stadika ba” watlika ra impaki pura kakaira 30 minit aisanka kum yabia. Naha aisanka na kau yabras kainara, tâ brabrira ba asla aidrubanka ra dîa lan takan ba bîla prahni ra wibia, bara wik wala ra dîa lan takbia ba dukiara sin aisabia. Maisa pakanka bara ani wauhkataya nit ba aisi kaikbia, ningkara impaki pura kakaira ra paiwbia ai aisanka yabia dukiara. Aisanka ningkara, ani lawanka impaki pura kakaira wahbi sâkbia ba wal aidrubanka tnata prakbia, bara pura sunra ba daukaia dukiara, witin kristian waitna kum ra paiwbia. Baha wikka ra kangrigisan ba rum wala ra aisanka nani daukbia apia. Bîla wala aisi daknika nani ba lika kangrigisan rum wala ra ai aidrubanka nani briaia sip kabia, sakuna, impaki pura kakaira aisanka nani yabia taim, kangrigisan aikuki baha walaia sa.

AIDRUBANKA TARA WIKKA RA

21. Aidrubanka tara kum bâra kabia taim, kangrigisan ba asla aidrubanka kumi sin daukbia apia. Baha wikka ra aidrubanka smalkanka nani ba, muihni lakri nani silp, apia kaka pamali baku stadi takbia.

JISAS PRUAN KUPIA KRAUKANKA WIKKA RA

22. Wik bilara Jisas Pruan Kupia Kraukanka daukbia taim, Rayaka bara Smalkaia aidrubanka ba daukbia apia.

RAYAKA BARA SMALKAIA AIDRUBANKA PURA KAKAIRA BA

23. Kangrigisan almuk nani daknika mita witin ra wahbi sâkbia. Witin ba aidrubanka nahki daukaia wi ba kat alki daukbia kaikaia sa. Kupia kraukanka yabi hilp mamunrika ba wal asla wark takaia sa. Aidrubanka dukiara Ridi takaia wauhkataya raya kum takbia taim, kati wâl dukiara ya aisanka nani yabia maisa pakbia. Naha pîska tilara sa, marikanka, aisanka nani bara wik bilara aidrubanka ya tâ bribia ba (baiki s. 3 wina 16 kat bara 24 ba kaiks). Naha piska nani ya daukbia sapa wahbi sakras kaina ra, uplika an mani brisa, lankira sa sapa, aisaia ai swira apu, apia kaka witin mapara tanka ba isi sa sapa laki kaiks. Naha ba aidrubanka piska wala nani dukiara sim baku daukaia sa. Kristian waitna aisanka nani bara ya tâ bribia ba, kangrigisan almukka nani daknika pain kaikan uplika nani tila wina wahbi sakaia sa. Aisanka bara marikanka nani ya daukbia ba wik yumhpa kaina ra maisa pakaia sa. Stadi tatakra marikanka bara aisanka nani ba maisa pakaia dukiara, Rayaka bara smalkaia aidrubanka ra aisanka briaia wauhkataya ba yus munaia sa (S-89). Baku sin, maisa pakanka nani sabi tatka ra naha mangkaia sa. Kangrigisan almukka nani daknika ba kangrigisan almukka wala ra, apia kaka hilp mamunra kum ra naha daukbia hilpka makabia. Sakuna, pas 10 minit aisanka, bara “Kristian rayaka ba” pîska ra ya aisanka yabia ba, kangrigisan almukka nani baman wahbi sakaia sip sa.

RAYAKA BARA SMALKAIA AIDRUBANKA TÂ BRABRIRA BA

24. Wik bani, almuk kum Rayaka bara Smalkaia aidrubanka ba tâ bribia (kangrigisan almukka nani wiria bâra sa kaka, hilp mamunra lankira nani ra yus munaia sip sa). Tâ brabrira ba tâ krikaia bîla bara tnata prakaia bîla nani ridi daukaia sa. Aisanka lalka bani sut daukbia ba wiaia sa, bara kangrigisan almukka nani wiria bâra sa kaka, ban kra witin sin aisanka kum kum daukbia, kau pali video kum marikaia baman sa kaka. Pîska wala ra luaia dukiara dîa wibia ba kunhku kaia sa. Kangrigisan almukka nani daknika mita naha warkka ya daukbia ba wahbi sâkbia. Naha warkka dauki kristian waitnika nani ba wik bani chens muni kabia. Rayaka bara Smalkaia aidrubanka pura kakaira ba nit sa kaka, almuk lankira wala nani ba wal kau aima ailal aidrubanka ba tâ bribia. Bamna, almuk kum “Kangrigisan Baibil stadika ba” tâ briaia lan sa kaka, aidrubanka aiska tâ briaia sip sa. Ban sakuna, nu kaia sa ya tâ bribia ba stadi tatakra nani ra kupia bukaia lan kaia sa, bara latwankira tnatka ra kupia kraukanka nani yabaia sa. Baku sin kaikaia sa aidrubanka ba awarka kat danh daukbia ba (baiki s. 17 bara 19 ba kaiks). Taim tikaia apia dukiara, tâ bri pliska ra plis bâra sa kaka bara witin want sa kaka, marikanka daukbia nani ba atril ninara ai pliska ra iwi kabia, bara tâ brabrira ba sait ra bûi microfono mina yari kum wal witin nani ra paiwaia sip sa. Baibil aisi kaikanka bara “Smalkaia warkka ra kau pain ridi takaia” pîska nani yabi kabia taim, tâ bri pliska ra witin ba tibil kum ninara sir kum ra iwi kaia sip sa.

KUPIA KRAUKANKA NANI YABAIA HILP MAMUNRIKA BA

25. Sip sa kaka, kangrigisan almukka kum aisanka yabaia lankira ba naha warkka na bribia. Rayaka bara Smalkaia aidrubanka ra, La Atalaya stadika ra, bara “Kangrigisan Baibil stadika ba” ra tâ bri aisanka yabi kangrigisan almukka bara hilp mamunra nani ra nit kabia taim, kupia kraukanka nani yabia, aisi kakaira nani ra sin (baiki s. 19 ba kaiks). Kangrigisan almukka nani tilara smasmalkra bara aisasara lankira nani ailal bâra sa kaka, mani bani kupia kraukanka nani yabaia hilp mamunrika ba chens munaia sip sa. Aidrubanka bani ningkara kupia kraukanka yabaia nit apia sa.

RUM WALA RA AISANKA YABAIA

26. Kangrigisan ra stadi tatakra ailal bâra sa kaka, rum wala nani ra sin aisanka nani daukaia sip sa. Rum kumi bani ra kupia kraukanka nani yabi kristian waitna lankira kum tâ bribia, sakuna kau pain kabia kangrigisan almukka kum sa kaka. Nit sa kaka, hilp mamunra lankira kum ra yus munaia sip sa. Kangrigisan almukka nani daknika mita wahbi sâkbia ya nani naha warkka tâ bribia ba bara wik bani uplika chens muni kabia ba. Kupia kraukanka yabi kristian waitnika ba baiki sakanka 18 ra dîa wi ba kat daukaia sa. “Baibil wina diara manakira ba” pîska ba wina “Spirit dukia walpa manakira pliki sakaia” pîska lubia ningkara, marikanka nani bri stadi tatakra nani ra rum wala ra waia paiwbia. “Smalkaia warkka ra kau pain ridi takaia” pîska danh takbia taim, witin nani ba rum tara ra kli tawi balaia sa.

LILKA NANI

27. Wik bilara aidrubanka ra lilka kum kum yus munbia. Naha lilkika nani ba JW Library® aplicaciónka ra takisa, bara telepon nani ra sin kaikaia sip sa.

S-38-MIS 11/23