Marikanka nani

Waupasa kati ra pas satadika Baibil stadika nani nahki tâ krikaia

“Wan lama uplika manis ba lukisa sari lâka kau tara yawan briaia sip ba sika wan pamalika kum tila wina prubia. ¿Man sin baku lukisma? [Ansika maikbia swis.] Nahara tânka kum aisi kaikri ba yang ra hilp ai munan.” La Atalaya wauhkataya, Waupasa kati 1, nina sait ba mariks, bara aikuki pas makabi walanka taki ba dukiara aisas bara Baibil tikska kum aisi kaiks. Wauhkataya uplika ra yas, bara makabi walanka wala ansika yabaia dukiara ahkia kli balma yua ba sin wis.

La Atalaya Waupasa kati 1

“Yawan upla nani ra wih kaikisa kan kupia bukaia want sa Baibil ba aisi kaikaia. Yawan nu sa upla manis ba aisi kaikisa, baku sin wala nani bâra sa Baibil aisi kaikaia ba uya ai brinka apia sa. ¿Bara man? [Ansika maikbia swis.] Kaiks Baibil ba naha dukiara dîa wisa [1 Tesalonaika 2:13 aisi kaiks]. Baibil ba rait pali Gâd Bîla sa kaka, rait apia yawan naha bukka ba aisi kaikaia sa. Naha wauhkataya ba marikisa Baibil ba dîa dukiara aisisa bara dîa muni wan brinka kaia sa aisi kaikaia.”

¡Despertad! Waupasa kati

“¿Man lukisma yawan ba lalah mapara umpira kabia sin sip sa lilia kaia? [Ansika maikbia swis.] Kaiks Baibil ba naha dukiara dîa wisa [1 Timoti 6:8 aisi kaiks]. Naha wauhkataya ba marikisa lalah ba ani pitka kat kulkanka yabaia sa, bara diara yumhpa lalah wal sip atki sakras ba dukiara tânka marikisa.”