Siakwa kati 12 wina nahki kabia ba

Lawana 51 bara pura sunra

Kangrigisan Baibil Stadika:

bh sap.12 baiki.s 17-22 bara Baibil dia smalkisa bakska (30 min.)

Nahki Smalkaia ba Skulka:

Baibil Aisi Kaikanka: Jasua 21-24 (8 min.)

Num. 1: Jasua 24:14-21 (3 min. apia kaka kau wiria)

Num. 2: ¿Dîa muni Jehova swin Rahab bara ai pamalika ba swakwi takan? (bm wah. 11 baiki.s 1-4) (5 min.)

Num. 3: But munisa piua ra, ¿ani Baibil smalkanka kristian nani ba nina blikisa? (lv wah. 213 baiki.s 3—wah. 214 baiki.s 6) (5 min.)

Gâd Warkka Daukaia Aidrubanka:

Kati ulbanka lalka: Kaisa Dawan warkka daukaia bawan lâka tara wal (Ap.St 20:19).

Lawana 61

10 min. Kaisa Dawan warkka daukaia bawan lâka tara wal. Wali nani wal tânka ba pana pana laki kaiks. Sturka Nani 20:19 aisi kaiks. Baha wina naha makabi walanka nani dukiara wali nani ba yas aisabia: 1) “Dawan warkka dauki” bîla naha borska ra taki ba, ¿dîa tânka sa? 2) ¿Nahki muni Dawan warkka dauki kaia sip sa? 3) ¿Bawikira kaia ba dîa tânka sa? 4) ¿Bawikira kaia ba nahki hilp wan munisa Gâd warkka daukaia?

20 min. “Smalkaia warkka kau pain daukaia sip sa: upla prautkira nani wal pain aisaia lan taks.” Wali nani wal tânka ba pana pana laki kaiks. Aisanka ul danh takbia taim, marikanka kunhku wâl dauks. Naha ba wan rayaka ra taki ba sât kaia sa. Pas ba, smalki tataukra ba upla prautkira ba ra pain ansika yabras. Wala ra, sim smalki tataukra ba kli daukisa, sakuna nanara witin pain ansika yabisa sim trabilka takan taim. Sut ra kupia buks “Kati kum bilkara daukaia trai muns” wi ba pîska ba alki daukaia.

Lawana 76 bara pura sunra