Jisas tâwan nahki takaskraskira aisabia

Wan warkka kau pain pali daukbia Jisas tânka pain upla ra marikisa kaka. Kan Jisas playa bapanka walpaya kau tara sa, bara wan kasakka lukan lâka ba purara paskan sa (Epe. 2:20). Witin apia kaka, bîla kaikanka âpu kaia kan (Ap.St 4:12). Aitani sa tânka briaia Jisas ba ani ai pliska brisa Gâd dîa ai kupia ra daukaia luki ba. Upla ailal tânka kasak ba wina sait ra sa. Sari sa, kan Jisas ra kasak lukbia nani baman Gâd dîa pramis munan ba bribia. Wan warkka pain pali daukaia lukanka bri ba mita, kupia pain bri uplika nani ra hilp munbia, Kraist tânka kasak ba nu takaia, Gâd wal ai aslika lâka bara Jisas ani warkka brisa Gâd kupia lâka daukaia dukiara. Naha kati ra, ¡kaisa wan kupia aiska ni Jisas tânka kasak ba smalkaia!