Mayunaia watla nani mâkaia bara paskaia ba tara kulkisa

Israel ra tempel paskan piua ra wark karna takan bara lalah nitka sin brin, sakuna Israel uplika nani ba uba wilinkira pali tâ baikan (1 Kr. 29:2-9; 2 Kr. 6:7, 8). Tempel ba paskan ningkara witin nani nahki main kaikaia kan ba marikan ai spiritka lâka ra nahki dutki kan ba (2 Ki. 22:3-6; 2 Kr. 28:24; 29:3). Naiwa piuara sin, yawan kristian nani ba wan taimka, wan karnika yus munisa Aidrubanka Watla nani bara Aidrubanka Kau Tara Watla nani mâkaia, klin munaia bara paskaia dukiara. Naha sât warkka nani ba Jehova ra mayunaia warkka tilara sa. ¿Rait apia naha sât warkka tâ baikaia ba Jehova ra kulkanka tara yabisa? (Law. 127:1; Par.M 7:15).

¿NAHKI HILP MUNAIA SIP SA?

• 

  Asla aidrubanka ningkara diara sut ba ai pliska kat swibia. Sir nani yus munan ba pan, klin dauki bara ai pliska ra asla daukbia.

• 

  Aitani kabia Aidrubanka Watla ba klin daukaia bara paskaia warkka nani ba tâ baikaia. Upla wilinkira ailal bâra sa kaka kau isi bara uba liliakira daukisa (lv wah. 92 baiki.s 18).

• 

  Prisantka wilinkira nani sin yabaia sip sa. Jehova yamni kaikisa ya ai kupia aiska wal prisantka yabisa, naha ba “lalah mâ sirpi wâl” kabia sin (Mk. 12:41-44).

• 

  Yawan dîa sanska bri ba kat daukaia sa, sip sa hilp munaia Jehova ra mayunaia dukiara yus muni pliska nani ba mâkaia bara paskaia. Naha sât warkka tâ baikaia dukiara lankira kaia nit apia sa.